ਐਚ. ਆਈ. ਵੀ./ਏਡਸ ਅਵੇਅਰਨੈਸ ਦਿਵਸ: ਇੰਡੀਅਨ ਰੈਡ ਕ੍ਰੋਸ ਅਤੇ ਸਾਕੇਤ ਹਸਪਤਾਲ ਵੱਲੋਂ ਜਾਗਰੂਕਤਾ ਅਭਿਆਨ
ਪਟਿਆਲਾ : ਇੰਡੀਅਨ ਰੈਡ ਕ੍ਰੋਸ ਸੁਸਾਇਟੀ, ਪੰਜਾਬ ਸਟੇਟ ਬ੍ਰਾਂਚ, ਚੰਡੀਗੜ੍ਹ ਦੇ ਸਕੱਤਰ ਸਰਦਾਰ ਸ਼ਿਵ ਦੁਲਾਰ ਸਿੰਘ ਢਿੱਲੋਂ (ਆਈ. ਏ. ਐਸ. ਰਿਟਾਇਰਡ) ਦੀ ਅਗਵਾਈ ਹੇਠ ਗੌਰਮੈਂਟ ਗਰਲਸ ਸਮਾਰਟ ਸੀਨੀਅਰ ਸੈਕੰਡਰੀ ਸਕੂਲ, ਪਾਵਰ ਹਾਊਸ ਕਲੋਨੀ ਪਟਿਆਲਾ ਵਿਖੇ ਵਰਲਡ ਐਚ. ਆਈ. ਵੀ /ਏਡਸ ਦਿਵਸ ਮੌਕੇ ਇੱਕ ਰੋਜ਼ਾ ਜਾਗਰੂਕਤਾ ਸੈਮੀਨਾਰ ਕਰਵਾਇਆ ਗਿਆ । ਇਸ ਪ੍ਰੋਗਰਾਮ ਵਿੱਚ ਪੰਜਾਬ ਰੈਡ ਕ੍ਰੋਸ ਦੇ ਮੁੜ ਵਸੇਬਾ ਕੇਂਦਰ ਸਕੇਤ ਹਸਪਤਾਲ ਪਟਿਆਲਾ ਦੀ ਟੀਮ ਨੇ ਹਿੱਸਾ ਲਿਆ ਅਤੇ ਅਵੇਅਰਨੈਸ ਲੈਕਚਰ ਪ੍ਰਸਤੁਤ ਕੀਤੇ। ਪ੍ਰੋਜੈਕਟ ਡਾਇਰੈਕਟਰ ਸ਼੍ਰੀਮਤੀ ਪਰਮਿੰਦਰ ਕੌਰ ਮਨਚੰਦਾ ਨੇ ਐਚ. ਆਈ. ਵੀ./ਏਡਸ ਦੇ ਫੈਲਣ ਦੇ ਕਾਰਨ, ਰੋਕਥਾਮ ਅਤੇ ਇਲਾਜ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੱਤੀ। ਮੈਡੀਕਲ ਅਫਸਰ ਡਾ. ਸੰਦੀਪ ਸਿੰਘ ਨੇ ਵੀ ਆਪਣੇ ਅਣਮੁੱਲੇ ਵਿਚਾਰ ਸਾਂਝੇ ਕੀਤੇ । ਸਕੇਤ ਹਸਪਤਾਲ ਤੋਂ ਪੁਲਿਸ ਇੰਸਪੈਕਟਰ ਅਤੇ ਹੋਰ ਮੁਲਾਜ਼ਮਾਂ ਨੇ ਵੀ ਵਿਦਿਆਰਥੀਆਂ ਨਾਲ ਵਿਚਾਰ ਸਾਂਝੇ ਕੀਤੇ। ਰੈਡ ਕ੍ਰੋਸ ਦੀਆਂ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦੇਣ ਲਈ ਸ੍ਰੀਕਾਰਾਂ ਵਰਮਾ ਨੇ ਸੀ. ਪੀ. ਆਰ. ਅਤੇ ਜ਼ਿੰਦਗੀ ਬਚਾਉਣ ਵਾਲੇ ਹੋਰ ਉਪਕਰਮਾਂ ਬਾਰੇ ਦੱਸਿਆ । ਰੈਲੀ ਅਤੇ ਹੋਰ ਗਤੀਵਿਧੀਆਂ ਇਸ ਮੌਕੇ, ਸਕੂਲ ਦੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਮੁਲਾਜ਼ਮਾਂ ਨੇ ਨਸ਼ਿਆਂ ਅਤੇ ਐਚ. ਆਈ. ਵੀ./ਏਡਸ ਤੋਂ ਬਚਾਅ ਲਈ ਇੱਕ ਜਾਗਰੂਕਤਾ ਰੈਲੀ ਕੱਢੀ । ਸਕੇਤ ਹਸਪਤਾਲ ਦੇ ਕੌਂਸਲਰ ਅਤੇ ਹੋਰ ਸਟਾਫ ਨੇ ਸਮਾਜ ਨੂੰ ਜਾਗਰੂਕ ਕਰਨ ਦੇ ਪ੍ਰਾਸਥਿਤਿਕ ਯਤਨਾਂ ਨੂੰ ਆਗੇ ਵਧਾਇਆ । ਸਕੂਲ ਅਤੇ ਸਕੇਤ ਹਸਪਤਾਲ ਵੱਲੋਂ ਰੰਗੋਲੀ ਬਣਾਈ ਗਈ, ਜਿਸ ਰਾਹੀਂ ਨਸ਼ਿਆਂ ਅਤੇ ਐਚ.ਆਈ.ਵੀ/ਏਡਸ ਤੋਂ ਬਚਾਅ ਦਾ ਸੰਦੇਸ਼ ਦਿੱਤਾ ਗਿਆ। ਇਹ ਪ੍ਰੋਗਰਾਮ ਸਿਰਫ ਸਕੂਲ ਤੱਕ ਸੀਮਤ ਨਹੀਂ ਰਿਹਾ ਬਲਕਿ ਵੱਖ-ਵੱਖ ਥਾਵਾਂ ‘ਤੇ ਵੀ ਜਾਗਰੂਕਤਾ ਪ੍ਰੋਗਰਾਮ ਆਯੋਜਿਤ ਕੀਤੇ ਗਏ। ਇਸ ਵਿਚ ਕੁੰਡਮ ਵੰਡਣ ਜਿਹੀਆਂ ਕਾਰਵਾਈਆਂ ਰਾਹੀਂ ਬਿਮਾਰੀ ਤੋਂ ਬਚਾਅ ਲਈ ਉਪਾਇ ਦੱਸੇ ਗਏ । ਇਹ ਅਭਿਆਨ ਸਮਾਜ ਨੂੰ ਸੁਰੱਖਿਅਤ ਅਤੇ ਨਸ਼ਾ ਮੁਕਤ ਭਵਿੱਖ ਵੱਲ ਮੋੜਨ ਦਾ ਸਪਸ਼ਟ ਸੰਦੇਸ਼ ਦਿੰਦਾ ਹੈ ।