ਘਨੌਰ, (ਪਟਿਆਲਾ), 24 ਮਈ 2025 : 30-year-old married woman dies in village Kapoori : ਥਾਣਾ ਘਨੌਰ ਪੁਲਿਸ ਕੋਲ ਸ਼ਿਕਾਇਤਕਰਤਾ ਬਲਦੇਵ ਰਾਜ ਪੁੱਤਰ ਸੋਮਨਾਥ ਵਾਸੀ ਸਾਹਬਪੁਰਾ ਥਾਣਾ ਸਦਰ ਜਿਲਾ ਅੰਬਾਲਾ ਹਰਿਆਣਾ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਮੇਰੀ ਲੜਕੀ ਮੁਮਤੇਸ਼ ਰਾਣੀ ਉਮਰ ਕਰੀਬ 30 ਸਾਲ ਦਾ ਵਿਆਹ ਮਿਤੀ 27/11/24 ਨੂੰ ਪਿੰਡ ਕਪੂਰੀ ਦੇ ਵਸਨੀਕ ਲਵਪ੍ਰੀਤ ਸਿੰਘ ਨਾਲ ਹੋਇਆ ਸੀ । ਜੋ ਵਿਆਹ ਤੋਂ ਕੁਝ ਦੇਰ ਬਾਅਦ ਮੇਰੀ ਲੜਕੀ ਨੂੰ ਤੰਗ ਪ੍ਰੇਸ਼ਾਨ ਕਰਨ ਲੱਗ ਪਏ ਸਨ । ਜਿਸ ਸਬੰਧੀ ਮੈਂ ਆਪਣੇ ਰਿਸ਼ਤੇਦਾਰਾਂ ਨਾਲ ਮਿਲ ਕੇ ਮ੍ਰਿਤਕ ਲੜਕੀ ਦੇ ਸਹੁਰੇ ਪਰਿਵਾਰ ਨਾਲ ਸਮਝਾਉਣਾ ਕੀਤਾ ਸੀ, ਜਿਸ ਤੇ ਇਹ ਮੇਰੀ ਲੜਕੀ ਮੁਮਤੇਸ਼ ਰਾਣੀ ਨੂੰ ਆਪਣੇ ਸਹੁਰੇ ਘਰ ਲੈ ਆਏ ਸੀ । ਮਿਤੀ 22/5/25 ਨੂੰ ਮੇਰੀ ਪਤਨੀ ਦੀ ਮੁਮਤੇਸ਼ ਰਾਣੀ ਨਾਲ ਗਲ ਹੋਈ ਸੀ, ਜੋ ਉਸ ਸਮੇ ਬਿਲਕੁੱਲ ਸਹੀ ਸਲਾਮਤ ਸੀ । ਜੋ ਕਿ ਬਾਅਦ ਵਿੱਚ ਮੇਰੀ ਸਾਲੀ ਬਬਲੀ ਦਾ ਫੋਨ ਆਇਆ ਕਿ ਮੁਮਤੇਸ਼ ਰਾਣੀ ਦੀ ਤਬੀਅਤ ਖਰਾਬ ਹੈ ।
ਲੜਕੀ ਪਰਿਵਾਰ ਨੇ ਲਗਾਇਆ ਦੋਸ਼
ਜਦੋ ਇਸ ਸਬੰਧੀ ਮੈਂ ਸਾਹਿਬ ਸਿੰਘ ਨਾਲ ਗੱਲ ਕੀਤੀ ਤਾ ਉਸਨੇ ਕਿਹਾ ਕਿ ਮੁਮਤੇਸ਼ ਰਾਣੀ ਹੁਣ ਠੀਕ ਹੈ । ਜੋ ਦਵਾਈ ਲੈ ਕੇ ਘਰ ਆ ਗਏ ਹਨ । ਫਿਰ ਮੁਮਤੇਸ਼ ਰਾਣੀ ਦੀ ਹਾਲਤ ਖਰਾਬ ਹੋਣ ਕਰਕੇ ਇਹ ਉਸਨੂੰ ਅੰਬਾਲਾ ਵਿਖੇ ਪ੍ਰਾਈਵੇਟ ਹਸਪਤਾਲ ਲੈ ਗਏ । ਮਿਤੀ 23/5/25 ਨੂੰ ਸਾਹਿਬ ਸਿੰਘ ਨੇ ਫੋਨ ਕਰਕੇ ਦੱਸਿਆ ਕਿ ਹਾਲਤ ਜਿਆਦ ਖਰਾਬ ਹੋਣ ਕਾਰਨ ਮੁਮਤੇਸ਼ ਰਾਣੀ ਨੂੰ ਸੈਕਟਰ 32 ਚੰਡੀਗੜ੍ਹ ਰੈਫਰ ਕਰ ਦਿੱਤਾ ਹੈ, ਜਿਸ ਦੀ ਹਸਪਤਾਲ ਪੁੱਜਣ ਤੋਂ ਪਹਿਲਾ ਹੀ ਮੁਮਤੇਸ਼ ਰਾਣੀ ਦੀ ਮੋਤ ਹੋ ਗਈ । ਲੜਕੀ ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਮ੍ਰਿਤਕ ਦੇ ਸਹੁਰੇ ਪਰਿਵਾਰ ਵੱਲੋ ਮੇਰੀ ਲੜਕੀ ਨੂੰ ਤੰਗ ਪ੍ਰੇਸ਼ਾਨ ਜਾ ਕੁੱਝ ਖਿਵਾ ਕੇ ਜਾ ਉਸ ਵੱਲੋ ਖਾ ਕੇ ਉਸਦੀ ਮੋਤ ਹੋਈ ਹੈ ।
ਕਿਹੜੇ ਕਿਹੜੇ ਵਿਰੁੱਧ ਮਾਮਲਾ ਕੀਤਾ ਗਿਆ ਹੈ ਦਰਜ
ਪੁਲਸ ਨੇ ਮ੍ਰਿਤਕ ਦੇ ਸਹੁਰੇ ਪਰਿਵਾਰ ਦੇ ਲਵਪ੍ਰੀਤ ਸਿੰਘ ਪੁੱਤਰ ਸਾਹਿਬ ਸਿੰਘ, ਸਾਹਿਬ ਸਿੰਘ ਪੁੱਤਰ ਗਿਆਨ ਸਿੰਘ, ਨਰਿੰਦਰ ਕੌਰ ਪਤਨੀ ਸਾਹਿਬ ਸਿੰਘ, ਮਹਿੰਦਰੋ ਕੌਰ ਪਤਨੀ ਗਿਆਨ ਸਿੰਘ ਵਾਸੀਆਨ ਕਪੂਰੀ ਦੇ 4 ਜੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ ਅਤੇ ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਤੋਂ ਬਾਅਦ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ ।
ਮ੍ਰਿਤਕ ਲੜਕੀ ਦਾ ਸੰਸਕਾਰ ਅੱਜ ਪੇਕਿਆਂ ਪਿੰਡ ਵਿੱਚ ਕਰ ਦਿੱਤਾ ਗਿਆ ।