ਸਫਦਰਜੰਗ ਹਸਪਤਾਲ ਦੀ ਪੁਰਾਣੀ ਐਮਰਜੈਂਸੀ `ਚ ਲੱਗੀ ਭਿਆਨਕ ਅੱਗ ਵਿਚੋਂ ਬਿਲਡਿੰਗ ਦੇ ਸ਼ੀਸ਼ੇ ਤੋੜ ਬਚਾਈ 70 ਮਰੀਜ਼ਾਂ ਦੀ ਜਾਨ
ਦੱਖਣੀ ਦਿੱਲੀ : ਭਾਰਤ ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਦੱਖਣੀ ਹਿੱਸੇ ਵਿਚ ਬਣੇ ਸਫਦਰਜੰਗ ਹਸਪਤਾਲ ਦੇ ਪੁਰਾਣੇ ਐਮਰਜੈਂਸੀ ਵਿੱਚ ਮੰਗਲਵਾਰ ਨੂੰ ਭਿਆਨਕ ਅੱਗ ਲੱਗ ਗਈ। ਅੱਗ ਲੱਗਣ ਦੀ ਸੂਚਨਾ ਮਿਲਣ `ਤੇ ਫਾਇਰ ਬ੍ਰਿਗੇਡ ਦੀਆਂ 10 ਗੱਡੀਆਂ ਮੌਕੇ `ਤੇ ਪਹੁੰਚ ਗਈਆਂ। ਬਚਾਅ ਕਾਰਜ ਦੌਰਾਨ ਜੇਸੀਬੀ ਨਾਲ ਪੂਰੀ ਇਮਾਰਤ ਦੇ ਸ਼ੀਸ਼ੇ ਤੋੜ ਕੇ ਕਰੀਬ 70 ਮਰੀਜ਼ਾਂ ਅਤੇ ਤਿੰਨ ਨਰਸਾਂ ਨੂੰ ਇੱਥੋਂ ਬਾਹਰ ਕੱਢਿਆ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਤਿੰਨ ਮੰਜ਼ਿਲਾ ਐਮਰਜੈਂਸੀ ਦੀ ਪਹਿਲੀ ਮੰਜ਼ਿਲ `ਤੇ ਕੁੱਤੇ ਦੇ ਕੱਟਣ ਵਾਲੇ ਮਰੀਜ਼ਾਂ ਨੂੰ ਟੀਕੇ ਦਿੱਤੇ ਜਾਂਦੇ ਹਨ। ਦੂਜੀ ਮੰਜ਼ਿਲ `ਤੇ ਲੈਬ ਹੈ। ਪੈਥੋਲੋਜੀ ਦਾ ਮੁਖੀ ਇੱਥੇ ਬੈਠਦਾ ਹੈ। ਤੀਜੀ ਮੰਜ਼ਿਲ `ਤੇ ਸਕਰੀਨ ਵਾਰਡ ਹੈ।