ਵਾਤਾਵਰਣ ਨੂੰ ਸਾਫ਼ ਸੁਥਰਾ ਰੱਖਣ ਲਈ ਆਦਰਸ਼ ਪਾਰਕ ਭਾਦਸੋਂ ਰੋਡ ਪਟਿਆਲਾ ਵਿੱਚ 250 ਬੂਟੇ ਲਗਾਏ
ਪਟਿਆਲਾ:- ਪੰਜਾਬ ਸਰਕਾਰ ਤੋ ਪ੍ਰੋਜੈਕਟ ਮਨਜੂਰ ਕਰਵਾ ਕੇ ਮਾਣਯੋਗ ਡਾਕਟਰ ਬਲਬੀਰ ਸਿੰਘ ਜੀ ਸਿਹਤ ਮੰਤਰੀ ਪੰਜਾਬ ਵੱਲੋ ਇਲਾਕਾ ਨਿਵਾਸੀਆਂ ਦੀ ਮੰਗ ਤੇ ਮਾਡਲ ਟਾਊਨ ਡਰੇਨ ਨੂੰ ਕਵਰ ਕਰਕੇ ਪਿਛਲੇ ਸਾਲ ਦੋ ਕਿਲੋਮੀਟਰ ਲੰਬਾ ਪਾਰਕ ਬਣਾਇਆ ਗਿਆ ਹੈ। ਇਸ ਪਾਰਕ ਦੀ ਸਾਂਭ ਸੰਭਾਲ ਅਤੇ ਪਲਾਂਟੇਸ਼ਨ ਕਰਨ ਲਈ ਆਦਰਸ਼ ਪਾਰਕ ਵੈਲਫੇਅਰ ਸੁਸਾਇਟੀ ਬਣਾ ਕੇ ਰਜਿਸਟਡ ਕਾਰਵਾਈ ਗਈ ਹੈ,ਹੁਣ ਤੱਕ ਪਾਰਕ ਵਿੱਚ ਲਗਭੱਗ 5000 ਬੂਟੇ ਲਗਾ ਕੇ ਉਹਨਾਂ ਦੀ ਸਾਂਭ ਸੰਭਾਲ ਕੀਤੀ ਜਾ ਰਹੀ ਹੈ। ਅੱਜ ਪੰਜਾਬ ਸਰਕਾਰ ਵੱਲੋਂ ਵੱਧ ਤੋ ਵੱਧ ਬੂਟੇ ਲਗਾਉਣ ਦੀ ਮੁਹਿੰਮ ਤਹਿਤ ਪਾਰਕ ਵਿੱਚ ਵੈਲਫੇਅਰ ਸੁਸਾਇਟੀ ਵੱਲੋਂ ਬਸੰਤ ਰਿਤੂ ਕਲੱਬ ਤ੍ਰਿਪੜੀ ਦੇ ਪ੍ਰਧਾਨ ਰਾਜੇਸ਼ ਸ਼ਰਮਾ ਜੀ ਦੇ ਸਹਿਯੋਗ ਨਾਲ 250 ਬੂਟੇ ਲਗਾਏ ਗਏ ਹਨ। ਅੱਜ ਬੂਟੇ ਲਗਾਉਣ ਦੀ ਵਿਸ਼ੇਸ਼ ਮੁਹਿੰਮ ਵਿੱਚ ਵੈਲਫੇਅਰ ਸੁਸਾਇਟੀ ਦੇ ਕਾਰਜਕਾਰੀ ਪ੍ਰਧਾਨ ਆਰ.ਪੀ .ਸਿੰਘ,ਜਨਰਲ ਸਕੱਤਰ ਬਚਿੱਤਰ ਸਿੰਘ, ਨਿਰਮਲ ਸਿੰਘ ਜਥੇਬੰਦਕ ਸਕੱਤਰ,ਮੁਖ਼ਤਿਆਰ ਸਿੰਘ ਗਿੱਲ , ਗੁਲਜ਼ਾਰ ਸਿੰਘ,ਸੁਸ਼ੀਲ ਕੁਮਾਰ ਜੈਨ, ਚਰਨ ਸਿੰਘ , ਡਾਕਟਰ ਅਜੇ ਭਾਸਕਰ,ਸੁਖਦੇਵ ਸਿੰਘ,ਅਰਜਨ ਸਿੰਘ,ਰਵਿੰਦਰ ਸਿੰਘ ਸੇਖੋਂ ਅਤੇ ਰਾਜੇਸ਼ ਸ਼ਰਮਾ ਪ੍ਰਧਾਨ ਬਸੰਤ ਰਿਤੂ ਕਲੱਬ ਹਾਜ਼ਿਰ ਸਨ। ਆਦਰਸ਼ ਪਾਰਕ ਵੈਲਫੇਅਰ ਸੁਸਾਇਟੀ ਦੇ ਜਨਰਲ ਸਕੱਤਰ ਬਚਿੱਤਰ ਸਿੰਘ ਨੇ ਕਿਹਾ ਕਿ ਵਾਤਾਵਰਨ ਨੂੰ ਸਾਫ਼ ਸੁਥਰਾ ਰੱਖਣ ਲਈ ਵੱਧ ਤੋ ਵੱਧ ਬੂਟੇ ਲਗਾਉਣੇ ਅਤੇ ਉਹਨਾਂ ਦੀ ਸਾਂਭ ਸੰਭਾਲ ਕਰਨੀ ਬਹੁਤ ਹੀ ਪਵਿਤਰ ਕੰਮ ਹੈ, ਹਰ ਇਨਸਾਨ ਨੂੰ ਘੱਟੋ ਘੱਟ ਇੱਕ ਬੂਟਾ ਲੱਗਾ ਕੇ ਗੋਦ ਲੈਣਾ ਚਾਹੀਦਾ ਹੈ। ਸ੍ਰੀ ਰਾਜੇਸ਼ ਸ਼ਰਮਾ ਪ੍ਰਧਾਨ ਬਸੰਤ ਰਿਤੂ ਕਲੱਬ ਨੇ ਆਦਰਸ਼ ਪਾਰਕ ਵੈਲਫੇਅਰ ਸੁਸਾਇਟੀ ਦੀ ਪਾਰਕ ਵਿੱਚ ਬੂਟੇ ਲਗਾਉਣ ਅਤੇ ਬੂਟਿਆਂ ਦੀ ਸਾਂਭ ਸੰਭਾਲ ਕਰਨ ਦੀ ਭਰਪੂਰ ਸਲਾਘਾ ਕੀਤੀ ।