ਦਿੱਲੀ, 11 ਫਰਵਰੀ : ਰੂਸੀ-ਜੌਰਜੀਅਨ ਫਿਗਰ ਸਕੇਟਰ ਅਨਸਤਾਸੀਆ ਗੁਬਾਨੋਵਾ ਨੇ ਸਕੇਟਿੰਗ ਰਿੰਗ ਵਿੱਚ ਆਪਣੀ ਕਲਾਤਮਕ ਅਦਾ ਅਤੇ ਸੰਗੀਤ ਦੀ ਨਿਵੇਕਲੀ ਚੋਣ ਨਾਲ ਬਾਲੀਬੁਡ ਦੀ ਇਕ ਫਿਲਮ ਦੇ ਗੀਤ ਉਪਰ ਪੇਸ਼ਕਾਰੀ ਦੇ ਕੇ ਦਰਸ਼ਕਾਂ ਨੂੰ ਮੰਤਰਮੁੱਗਧ ਕਰ ਦਿੱਤਾ ਹੈ।
ਜਿਕਰਯੋਗ ਹੈ ਕਿ ਇਟਲੀ ਵਿੱਚ ਹੋਏ 2026 ਸਰਦ ਰੁੱਤ ਓਲੰਪਿਕਸ ਦੌਰਾਨ ਉਸ ਵੱਲੋਂ ਬੌਲੀਵੁੱਡ ਫਿਲਮ ‘ਧੁਰੰਧਰ’ ਦੇ ਟਾਈਟਲ ਟਰੈਕ ’ਤੇ ਦਿੱਤੀ ਗਈ ਪੇਸ਼ਕਾਰੀ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਇਸ ਪ੍ਰਸਤੁਤੀ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਫੈਲ ਰਹੀ ਹੈ, ਜਿਸਨੂੰ ਭਾਰਤ ਸਮੇਤ ਦੁਨੀਆ ਭਰ ਤੋਂ ਵੱਡੀ ਸਰਾਹਨਾ ਮਿਲ ਰਹੀ ਹੈ।
23 ਸਾਲਾ ਅਨਸਤਾਸੀਆ ਗੁਬਾਨੋਵਾ, ਜੋ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਜਾਰਜੀਆ ਦੀ ਨੁਮਾਇੰਦਗੀ ਕਰਦੀ ਹੈ, ਆਪਣੀ ਇਸ ਪੇਸ਼ਕਾਰੀ ਰਾਹੀਂ ਖਾਸ ਤੌਰ ’ਤੇ ਭਾਰਤੀ ਦਰਸ਼ਕਾਂ ਦਾ ਧਿਆਨ ਖਿੱਚਣ ਵਿੱਚ ਕਾਮਯਾਬ ਰਹੀ ਹੈ। ਆਨਲਾਈਨ ਪਲੇਟਫਾਰਮਾਂ ’ਤੇ ਉਸ ਦੀ ਸਕੇਟਿੰਗ ਨੂੰ ਲੈ ਕੇ ਜੋਸ਼ੀਲੀਆਂ ਪ੍ਰਤੀਕਿਰਿਆਵਾਂ ਸਾਹਮਣੇ ਆ ਰਹੀਆਂ ਹਨ ਅਤੇ ਕਈ ਲੋਕਾਂ ਵੱਲੋਂ ਉਸਦੀ ਕਲਾ ਦੀ ਖੁੱਲ੍ਹ ਕੇ ਤਾਰੀਫ਼ ਕੀਤੀ ਜਾ ਰਹੀ ਹੈ।