ਨਵੀਂ ਦਿੱਲੀ, 9 ਅਕਤੂਬਰ: ਬ੍ਰਿਟਿਸ਼ ਲੇਬਰ ਪਾਰਟੀ ਦੇ ਨੇਤਾ ਕੀਰ ਸਟਾਰਮਰ ਬੁੱਧਵਾਰ ਸਵੇਰੇ ਇੱਕ ਉੱਚ ਪੱਧਰੀ ਵਫ਼ਦ ਦੇ ਨਾਲ ਦੋ ਦਿਨਾਂ ਦੇ ਦੌਰੇ ‘ਤੇ ਮੁੰਬਈ ਪਹੁੰਚੇ। ਉਨ੍ਹਾਂ ਦੇ ਨਾਲ ਯੂਕੇ ਦੇ 125 ਪ੍ਰਮੁੱਖ ਉਦਮੀ, ਕਾਰੋਬਾਰੀ ਨੇਤਾ ਅਤੇ ਸਿੱਖਿਆ ਵਿਦਵਾਨ ਵੀ ਸ਼ਾਮਲ ਹਨ।
ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਕੀਰ ਸਟਾਰਮਰ ਨਾਲ ਵਿਸਤ੍ਰਿਤ ਗੱਲਬਾਤ ਕੀਤੀ। ਦੋਵੇਂ ਨੇਤਾਵਾਂ ਵਿਚਾਲੇ ਮੁੱਖ ਤੌਰ ‘ਤੇ ਵਪਾਰ, ਰੱਖਿਆ, ਸੁਰੱਖਿਆ ਅਤੇ ਉੱਚ ਤਕਨਾਲੋਜੀ ਦੇ ਖੇਤਰਾਂ ਵਿੱਚ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਉੱਤੇ ਚਰਚਾ ਹੋਈ।
ਸਟਾਰਮਰ ਦਾ ਇਹ ਭਾਰਤ ਦੌਰਾ ਉਸ ਸਮੇਂ ਹੋ ਰਿਹਾ ਹੈ ਜਦੋਂ ਦੋਵੇਂ ਦੇਸ਼ ਇਤਿਹਾਸਕ ਮੁਕਤ ਵਪਾਰ ਸਮਝੌਤੇ (Free Trade Pact) ‘ਤੇ ਹਸਤਾਖਰ ਕਰ ਚੁੱਕੇ ਹਨ। ਇਸ ਸਮਝੌਤੇ ਨਾਲ ਬਾਜ਼ਾਰਾਂ ਤੱਕ ਪਹੁੰਚ ਵਧੇਗੀ, ਕਰਾਂ ਵਿੱਚ ਕਮੀ ਆਵੇਗੀ ਅਤੇ 2030 ਤੱਕ ਦੁਪੱਖੀ ਵਪਾਰ ਦੇ ਦੁੱਗਣਾ ਹੋਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।