ਬੰਗਲੌਰ ਪੁਲਸ ਦੀ ਤਰਜ ਤੇ ਪੰਜਾਬ ਵੀ ਕਰੇਗੀ ਗੱਡੀਆਂ ਤੇ ਲੱਗੇ ਸਨਰੂਫ ਵਿਚੋਂ ਖੜ੍ਹੇ ਹੋ ਕੇ ਮਸਤੀ ਕਰਨ ਤੇ ਚਲਾਨ

ਬੰਗਲੌਰ ਪੁਲਸ ਦੀ ਤਰਜ ਤੇ ਪੰਜਾਬ ਵੀ ਕਰੇਗੀ ਗੱਡੀਆਂ ਤੇ ਲੱਗੇ ਸਨਰੂਫ ਵਿਚੋਂ ਖੜ੍ਹੇ ਹੋ ਕੇ ਮਸਤੀ ਕਰਨ ਤੇ ਚਲਾਨ
ਚੰਡੀਗੜ੍ਹ, 14 ਜੁਲਾਈ : ਭਾਰਤ ਦੇਸ਼ ਦੇ ਬੰਗਲੌਰ ਸ਼ਹਿਰ ਦੀ ਪੁਲਸ ਦੀ ਤਰਜ਼ ‘ਤੇ ਪੰਜਾਬ ਦੇ ਐਡੀਸ਼ਨਲ ਡਾਇਰੈਕਟਰ ਜਨਰਲ ਆਫ ਪੁਲਸ (ਟ੍ਰੈਫਿਕ) ਨੇ ਟ੍ਰੈਫਿਕ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਅਤੇ ਸੜਕ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਠੋਸ ਕਦਮ ਚੁੱਕਦਿਆਂ ਗੱਡੀਆਂ ਤੇ ਸਨਰੂਫ ਵਿਚੋਂ ਖੜ੍ਹੇ ਹੋ ਕੇ ਮਸਤੀ ਕਰਨ ਤੇ ਰੋਕ ਲਗਾਉਂਦਿਆਂ ਤੁਰੰਤ ਕਾਰਵਾਈ ਕਰਨ ਦੇ ਉਦੇਸ਼ ਤਹਿਤ ਚਲਾਨ ਕੀਤੇ ਜਾਣਗੇ।ਦੱਸਣਯੋਗ ਹੈ ਕਿ ਇਹ ਨਿਯਮ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਾਰੇ ਲੋਕਾਂ ‘ਤੇ ਲਾਗੂ ਹੋਣਗੇ। ਅਜਿਹਾ ਕਰਨ ‘ਤੇ ਏ.ਡੀ.ਜੀ.ਪੀ ਨੇ ਟ੍ਰੈਫਿਕ ਪੁਲਿਸ ਨੂੰ ਚਲਾਨ ਕਰਨ ਦੇ ਹੁਕਮ ਦਿੱਤੇ ਹਨ। ਏਡੀਜੀਪੀ ਨੇ ਜਾਰੀ ਹੁਕਮਾਂ ਵਿੱਚ ਕਿਹਾ ਹੈ ਕਿ ਇਹ ਨਿਯਮ ਰਾਸ਼ਟਰੀ ਰਾਜ ਮਾਰਗਾਂ ਅਤੇ ਸ਼ਹਿਰ ਦੀਆਂ ਸੜਕਾਂ ਤੱਕ ਲਾਗੂ ਹੋਵੇਗਾ। ਆਪਣੇ ਆਦੇਸ਼ ਵਿੱਚ, ਏਡੀਜੀਪੀ ਨੇ ਬੈਂਗਲੁਰੂ ਪੁਲਿਸ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਉੱਥੋਂ ਦੀ ਪੁਲਿਸ ਨੇ ਸਨਰੂਫ ਤੋਂ ਬਾਹਰ ਜਾ ਕੇ ਮਸਤੀ ਕਰਨ ਜਾਂ ਹੰਗਾਮਾ ਕਰਨ ਵਾਲਿਆਂ ਦੇ ਚਲਾਨ ਕੱਟਣੇ ਸ਼ੁਰੂ ਕਰ ਦਿੱਤੇ ਹਨ।
ਏ. ਡੀ. ਜੀ. ਪੀ. (ਟ੍ਰੈਫਿਕ) ਨੇ ਸੂਬੇ ਦੇ ਸਾਰੇ ਪੁਲਸ ਕਮਿਸ਼ਨਰਾਂ ਅਤੇ ਐਸ. ਐਸ. ਪੀਜ਼. ਨੂੰ ਬੈਂਗਲੁਰੂ ਪੁਲਸ ਦੀ ਤਰਜ਼ ‘ਤੇ ਰਾਜ ਵਿੱਚ ਚਲਾਨ ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਲਈ ਕਿਹਾ ਹੈ। ਏਡੀਜੀਪੀ ਨੇ ਕਿਹਾ ਕਿ ਇੱਕ ਮਹੀਨੇ ਬਾਅਦ ਹਰ ਜ਼ਿਲ੍ਹੇ ਤੋਂ ਇਸ ਸਬੰਧੀ ਰਿਪੋਰਟ ਮੰਗਵਾਈ ਜਾਵੇਗੀ। ਜੇਕਰ ਛੋਟੇ ਬੱਚੇ ਚੱਲਦੇ ਵਾਹਨ ਦੇ ਸਨਰੂਫ ਦੇ ਬਾਹਰ ਖੜ੍ਹੇ ਪਾਏ ਜਾਂਦੇ ਹਨ ਤਾਂ ਡਰਾਈਵਰ ਵਿਰੁੱਧ ਤੁਰੰਤ ਕਾਰਵਾਈ ਕੀਤੀ ਜਾਵੇ। ਇਹ ਦੇਖਿਆ ਗਿਆ ਹੈ ਕਿ ਚੱਲਦੇ ਵਾਹਨ ਵਿੱਚ ਸਨਰੂਫ ਤੋਂ ਬਾਹਰ ਨਿਕਲਣ ‘ਤੇ ਡਰਾਈਵਰ ਦਾ ਧਿਆਨ ਭਟਕ ਜਾਂਦਾ ਹੈ ਅਤੇ ਇਸ ਕਾਰਨ ਸੜਕ ਹਾਦਸਿਆਂ ਵਿੱਚ ਵਾਧਾ ਹੋ ਰਿਹਾ ਹੈ। ਕਈ ਰਾਸ਼ਟਰੀ ਰਾਜ ਮਾਰਗਾਂ, ਰਾਜ ਮਾਰਗਾਂ ਅਤੇ ਸ਼ਹਿਰ ਦੇ ਮਾਰਗਾਂ ‘ਤੇ ਅਜਿਹੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ, ਜਿਨ੍ਹਾਂ ‘ਤੇ ਤੁਰੰਤ ਪ੍ਰਭਾਵ ਨਾਲ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ। ਏ.ਡੀ.ਜੀ.ਪੀ ਨੇ ਰਾਜ ਦੀ ਟ੍ਰੈਫਿਕ ਪੁਲਿਸ ਨੂੰ ਹਦਾਇਤ ਕੀਤੀ ਕਿ ਜੇਕਰ ਕੋਈ ਅਜਿਹਾ ਕਰਦਾ ਪਾਇਆ ਜਾਂਦਾ ਹੈ, ਤਾਂ ਉਸ ਵਿਰੁੱਧ ਓਪਨ ਸਨਰੂਫ ਦੇ ਤਹਿਤ ਰੇਸ਼ ਅਤੇ ਲਾਪਰਵਾਹੀ ਨਾਲ ਡਰਾਈਵਿੰਗ ਕਲਾਜ਼ ਦੇ ਤਹਿਤ ਅਨਸੇਫ ਡਰਾਈਵ ਪ੍ਰੈਕਟਿਸ ਐਕਟ ਦੇ ਤਹਿਤ ਕਾਰਵਾਈ ਕੀਤੀ ਜਾਵੇ। ਇਸ ਵਿੱਚ ਦੋਸ਼ੀ ਡਰਾਈਵਰ ਦਾ 500 ਤੋਂ 2000 ਰੁਪਏ ਤੱਕ ਦਾ ਚਲਾਨ ਹੋ ਸਕਦਾ ਹੈ। ਰੋਡ ਸੇਫਟੀ ਫੋਰਸ ਨੂੰ ਵੀ ਇਸ ‘ਤੇ ਸਖਤ ਨਜ਼ਰ ਰੱਖਣ ਦੇ ਹੁਕਮ ਦਿੱਤੇ ਗਏ ਹਨ, ਕਿਉਂਕਿ ਰਾਸ਼ਟਰੀ ਅਤੇ ਰਾਜ ਮਾਰਗ ‘ਤੇ ਅਜਿਹੇ ਕਦਮਾਂ ਨਾਲ ਵੱਡੇ ਸੜਕ ਹਾਦਸੇ ਹੁੰਦੇ ਹਨ, ਜਿਨ੍ਹਾਂ ‘ਤੇ ਵਿਸ਼ੇਸ਼ ਨਿਗਰਾਨੀ ਦੀ ਲੋੜ ਹੁੰਦੀ ਹੈ।