ਪੰਜਾਬ ਦੇ ਸਰਕਾਰੀ ਅਦਾਰਿਆਂ `ਚ ਤਾਇਨਾਤ ਦਿਵਿਆਂਗ ਮੁਲਾਜ਼ਮ ਲੈ ਸਕਣਗੇ ਇਨ੍ਹਾਂ ਵੱਖ ਵੱਖ ਪੰਜ ਦਿਨਾਂ ਦੀ ਸਪੈਸ਼ਲ ਛੁੱਟੀ
ਮੁਹਾਲੀ : ਪੰਜਾਬ ਸਰਕਾਰ ਨੇ ਆਪਣੇ ਦਫ਼ਤਰਾਂ ਵਿਚ ਕੰਮ ਕਰਦੇ ਦਿਵਿਆਂਗ ਮੁਲਾਜਮਾਂ ਨੂੰ ਵੱਖ ਵੱਖ ਪੰਜ ਮੌਕਿਆਂ ਤੇ ਸਪੈਸ਼ਲ ਛੁੱਟੀ ਦੇਣ ਦਾ ਫ਼ੈਸਲਾ ਲੈਂਦਿਆਂ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਨੋਟੀਫਿਕੇਸ਼ਨ ਵਿਚ ਦਰਸਾਇਆ ਗਿਆ ਹੈ ਕਿ ਪੰਜਾਬ ਦੇ ਸਰਕਾਰੀ ਦਫ਼ਤਰਾਂ, ਬੋਰਡ/ਕਾਰਪੋਰੇਸ਼ਨਾਂ ਤੇ ਸਰਕਾਰੀ ਵਿਦਿਅਕ ਅਦਾਰਿਆਂ `ਚ ਜਿਹੜਾ ਵੀ ਦਿਵਿਆਂਗ ਮੁਲਾਜਮ ਕੰਮ ਕਰਦਾ ਹੈ ਉਹ ਹਰੇਕ ਕੈਲੰਡਰ ਸਾਲ `ਚ ਅਪੰਗਤਾ ਸਬੰਧੀ ਸਮਰੱਥਾ ਵਿਕਾਸ ਸਬੰਧੀ ਸੈਮੀਨਾਰਾਂ/ਵਰਕਸ਼ਾਪਾਂ `ਚ ਸ਼ਾਮਲ ਹੋਣ ਲਈ 5 ਦਿਨਾਂ ਦੀ ਸਪੈਸ਼ਲ ਕੈਜ਼ੂਅਲ ਲੀਵ ਲੈਣ ਦਾ ਹੱਕਦਾਰ ਹੋਵੇਗਾ। ਜਿਨ੍ਹਾਂ ਵਿਚ ਇਕ ਛੁੱਟੀ ਵਿਸ਼ਵ ਅਪੰਗਤਾ ਦਿਵਸ ਜੋ ਕਿ 3 ਦਸੰਬਰ ਨੂੰ ਹੁੰਦਾ ਹੈ ਦੇ ਮੌਕੇ `ਤੇ, ਦੂਜੀ ਛੁੱਟੀ ਲੁਈਸ ਬ੍ਰੇਲ ਦੇ ਜਨਮ ਦਿਨ `ਤੇ 4 ਜਨਵਰੀ ਅਤੇ ਬਾਕੀ 3 ਛੁੱਟੀਆਂ ਸਹੂਲਤ ਅਨੁਸਾਰ ਸੈਮੀਨਾਰ/ਵਰਕਸ਼ਾਪ ਅਟੈਂਡ ਕਰਨ ਲਈ ਲੈ ਸਕਣਗੇ।