ਪਟਿਆਲਾ, 31 ਅਕਤੂਬਰ 2025 : ਪੰਜਾਬੀ ਯੂਨੀਵਰਸਿਟੀ ਦੇ ਅਰਥ-ਵਿਗਿਆਨ ਵਿਭਾਗ ਵੱਲੋਂ ‘ਡਇਨਾਮਿਕਸ ਆਫ ਇੰਡੀਅਨ ਇਕਾਨਮੀ ਐਂਡ ਦੀ ਪਰੈਜ਼ੈਂਟ ਸਨਿਾਰੀਓ’ ਸਿਰਲੇਖ ਹੇਠਾਂ ਆਯੋਜਿਤ ਕੀਤੀ ਜਾ ਰਹੀ ਕਾਨਫਰੰਸ ਨਾਲ਼ ਸਬੰਧਤ ਵਰਕਸ਼ਾਪ ਸਫਲਤਾਪੂਰਵਕ ਸੰਪੰਨ ਹੋ ਗਈ।
‘ਰਾਜਨੀਤਿਕ ਆਰਥਿਕਤਾ’ ਵਿਸ਼ੇ ਉੱਤੇ ਕਰਵਾਈ ਇਸ ਵਰਕਸ਼ਾਪ ਦੀ ਪ੍ਰਧਾਨਗੀ ਇੰਡੀਅਨ ਪੋਲੀਟੀਕਲ ਇਕਾਨਮੀ ਐਸੋਸੀਏਸ਼ਨ ਦੇ ਸਿਗਨੇਟਰੀ ਮੈਂਬਰ ਡਾ. ਵੀ. ਉਪਾਧਿਆ, ਸਾਬਕਾ ਪ੍ਰੋਫੈਸਰ ਆਈ.ਆਈ.ਟੀ. ਦਿੱਲੀ ਨੇ ਕੀਤੀ।
ਵਰਕਸ਼ਾਪ ਦੇ ਆਰੰਭ ਵਿੱਚ ਡਾ. ਬਲਵਿੰਦਰ ਸਿੰਘ ਟਿਵਾਣਾ, ਸਾਬਕਾ ਪ੍ਰੋਫੈਸਰ, ਅਰਥ-ਸ਼ਾਸਤਰ ਵਿਭਾਗ, ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਨੇ ਦੇਸ਼ ਦੀਆਂ ਵੱਖ –ਵੱਖ ਯੂਨੀਵਰਸਿਟੀਆਂ ਤੋਂ ਆਏ ਪ੍ਰੋਫੈਸਰ ਅਤੇ ਖੋਜਾਰਥੀਆਂ ਦਾ ਸਵਾਗਤ ਕੀਤਾ। ਉਹਨਾਂ ਨੇ ਵਰਤਮਾਨ ਸਮੇਂ ਵਿੱਚ ਸੰਸਾਰ ਪੱਧਰੀ ਵਾਪਰ ਰਹੇ ਆਰਥਿਕ ਮਾਮਲਿਆਂ ਨਾਲ ਸਬੰਧਤ ਠੋਸ ਸਮਝ ਬਣਾਉਣ ਲਈ ਰਾਜਨੀਤਿਕ ਆਰਥਿਕਤਾ ਵਿਸ਼ੇ ਦੀ ਮਹਤੱਤਾ ਬਾਰੇ ਚਾਨਣਾ ਪਇਆ।
ਪਹਿਲੇ ਸਪੀਕਰ ਪ੍ਰੋਫੈਸਰ ਸੁਰਾਜੀਤ ਮਾਜ਼ੂਮਦਾਰ ਵੱਲੋਂ ਵਿਸ਼ਵ ਆਰਥਿਕਤਾ ਨਾਲ ਸਬੰਧਤ ਚਲੰਤ ਮਸਲਿਆਂ ਉੱਤੇ ਤੱਥ ਭਰਪੂਰ ਲੈਕਚਰ ਦਿੱਤਾ ਗਿਆ। ਵਰਕਸ਼ਾਪ ਦੇ ਦੂਜੇ ਸਪੀਕਰ ਡਾ. ਪਰਮਜੀਤ ਸਿੰਘ, ਸਹਾਇਕ ਪ੍ਰੋਫੈਸਰ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਨੇ ਪੇਂਡੂ ਆਰਥਿਕਤਾ ਨਾਲ ਸਬੰਧਤ ਆਪਣੀ ਖੋਜ ਉੱਤੇ ਚਾਨਣਾ ਪਾਇਆ।
ਉਹਨਾਂ ਨੇ ਇਸ ਗੱਲ ਉੱਤੇ ਜ਼ੋਰ ਦਿੱਤਾ ਕਿ ਭਾਰਤ ਦੀ ਪੇਂਡੂ ਆਰਥਿਕਤਾ ਨੂੰ ਵਿਸ਼ਵੀਕਰਨ ਅਤੇ ਭਾਰਤ ਦੀ ਕੁੱਲ ਆਰਥਿਕਤਾ ਤੋਂ ਅਲੱਗ ਕਰਕੇ ਨਹੀਂ ਸਮਝਿਆ ਜਾ ਸਕਦਾ। ਵਰਕਸ਼ਾਪ ਦੇ ਅੰਤ ਵਿੱਚ ਪ੍ਰੋ. ਜਸਬੀਰ ਸਿੰਘ, ਜੰਮੂ ਯੂਨੀਵਰਸਿਟੀ ਵੱਲੋਂ ਧੰਨਵਾਦੀ ਮਤਾ ਪੜਿਆ ਗਿਆ।
ਕੱਲ ਤੋਂ ਇਸ ਕਾਨਫਰੰਸ ਕਾਨਫਰੰਸ ਦਾ ਰਸਮੀ ਆਰੰਭ ਹੋ ਜਾਵੇਗਾ। ਜਿਸ ਵਿੱਚ ਦੋ ਦਿਨਾਂ ਦੌਰਾਨ 15 ਟੈਕਨੀਕਲ ਸੈਸ਼ਨ ਅਤੇ ਤਿੰਨ ਪਲੇਨੇਰੀ ਸੈਸ਼ਨ ਵਿੱਚ ਦੇਸ਼ ਅਤੇ ਦੇਸ਼ ਦੇ ਬਾਹਰੋਂ ਆਏ ਪ੍ਰੋਫੈਸਰ ਅਤੇ ਖੋਜਾਰਥੀਆਂ ਦੁਆਰਾ ਰਾਜਨਿਤਕ ਆਰਥਿਕਤਾ ਸਬੰਧੀ ਪਰਚੇ ਪੜ੍ਹੇ ਜਾਣਗੇ।