ਪਹਿਲਾਂ ਕੀਤਾ ਔਰਤ ਨਾਲ ਗੈਂਗਰੇਪ ਤੇ ਫਿਰ ਗੁਪਤ ਅੰਗ ਵਿਚ ਪਾ ਦਿੱਤੀ ਸ਼ਰਾਬ ਦੀ ਬੋਤਲ

ਪਹਿਲਾਂ ਕੀਤਾ ਔਰਤ ਨਾਲ ਗੈਂਗਰੇਪ ਤੇ ਫਿਰ ਗੁਪਤ ਅੰਗ ਵਿਚ ਪਾ ਦਿੱਤੀ ਸ਼ਰਾਬ ਦੀ ਬੋਤਲ
ਭੁਵਨੇਸ਼ਵਰ : ਭਾਰਤ ਦੇ ਓਡੀਸ਼ਾ ਦੇ ਗੰਜਾਮ ਜਿ਼ਲ੍ਹੇ ਵਿਚ ਇਕ ਔਰਤ ਨਾਲ ਗੈਂਗਰੇਪ ਤੋਂ ਬਾਅਦ ਉਸਦੇ ਗੁਪਤ ਅੰਗ ਵਿਚ ਸ਼ਰਾਬ ਦੀ ਬੋਤਲ ਪਾਉਣ ਨਾਲ ਹੈਵਾਨੀਅਤ ਦੀਆਂ ਸਾਰੀਆਂ ਹੱਦਾਂ ਇਕ ਵਾਰ ਫਿਰ ਪਾਰ ਹੋ ਗਈਆਂ ਹਨ। ਦੱਸਣਯੋਗ ਹੈ ਕਿ ਔਰਤਾਂ ਨਾਲ ਰੇਪ ਦੀਆਂ ਘਟਨਾਵਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ ਅਤੇ ਆਏ ਦਿਨ ਕਿਸੇ ਨਾ ਕਿਸੇ ਸੂਬੇ ਤੋਂ ਅਜਿਹੀ ਘਟਨਾਵਾਂ ਸਾਹਮਣੇ ਆਉਂਦੀਆਂ ਹਨ। ਭਰੋਸੇਯੋਗ ਸੂਤਰਾਂ ਤੋਂ ਪਤਾ ਲੱਗਿਆ ਹੈ ਕਿ ਔਰਤ ਦੀ ਸਥਿਤੀ ਬਹੁਤ ਗੰਭੀਰ ਬਣੀ ਹੋਈ ਹੈ। ਪੁਲਸ ਨੇ ਇਲਾਜ ਲਈ ਔਰਤ ਨੂੰ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਹੈ। ਪੁਲਸ ਨੇ ਤੁਰੰਤ ਕਾਰਵਾਈ ਕਰਦਿਆਂ 3 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਮੁਤਾਬਕ ਪਿੰਡ ਦੇ 4 ਲੋਕ ਔਰਤ ਨੂੰ ਪਹਾੜੀ `ਤੇ ਖਿੱਚ ਕੇ ਲੈ ਗਏ ਅਤੇ ਫਿਰ ਉਸ ਨਾਲ ਗੈਂਗਰੇਪ ਅਤੇ ਕੁੱਟਮਾਰ ਕੀਤੀ। ਇੰਨਾ ਹੀ ਨਹੀਂ ਔਰਤ ਦੇ ਗੁਪਤ ਅੰਗ ਵਿਚ ਸ਼ਰਾਬ ਦੀ ਬੋਤਲ ਵੀ ਪਾ ਦਿੱਤੀ। ਔਰਤ ਪਿੰਡ ਦੀ ਝੀਲ ਕੋਲ ਗੰਭੀਰ ਹਾਲਤ ਵਿਚ ਪਈ ਮਿਲੀ। ਸੂਚਨਾ ਮਿਲਣ `ਤੇ ਮੌਕੇ `ਤੇ ਪੁਲਸ ਪਹੁੰਚੀ ਅਤੇ ਔਰਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।