ਪਟਿਆਲਾ, 13 ਨਵੰਬਰ — ਨਗਰ ਨਿਗਮ ਪਟਿਆਲਾ ਵੱਲੋਂ ਕਰਮਚਾਰੀਆਂ ਦੇ ਪ੍ਰਸ਼ਾਸਨਿਕ ਕਾਰਜਾਂ ਨੂੰ ਆਧੁਨਿਕ ਅਤੇ ਪਾਰਦਰਸ਼ੀ ਬਣਾਉਣ ਲਈ ਇੱਕ ਹੋਰ ਅਹਿਮ ਕਦਮ ਚੁੱਕਿਆ ਗਿਆ ਹੈ। ਕਮਿਸ਼ਨਰ ਪਰਮਜੀਤ ਸਿੰਘ ਆਈ.ਏ.ਐਸ. ਵਲੋਂ ਜਾਰੀ ਨਿਰਦੇਸ਼ਾਂ ਅਨੁਸਾਰ, ਹੁਣ ਨਗਰ ਨਿਗਮ ਦੇ ਸਮੂਹ ਰੈਗੂਲਰ ਅਧਿਕਾਰੀ ਅਤੇ ਕਰਮਚਾਰੀ ਮਿਤੀ 1 ਜਨਵਰੀ 2026 ਤੋਂ ਆਪਣੀਆਂ ਇਤਫਾਕੀਆ ਛੁੱਟੀਆਂ ਪੰਜਾਬ ਸਰਕਾਰ ਵਲੋਂ ਤਿਆਰ ਕੀਤੇ ਐਚ ਆਰ ਐਮ ਐਸ ਪੋਰਟਲ ਰਾਹੀਂ ਹੀ ਅਪਲਾਈ ਕਰਨਗੇ।
ਕਮਿਸ਼ਨਰ ਨੇ ਦੱਸਿਆ ਕਿ ਇਹ ਪ੍ਰਕਿਰਿਆ ਸਰਕਾਰੀ ਪ੍ਰਣਾਲੀ ਵਿੱਚ ਡਿਜ਼ਿਟਲਾਈਜ਼ੇਸ਼ਨ ਵਧਾਉਣ ਦੇ ਉਦੇਸ਼ ਨਾਲ ਸ਼ੁਰੂ ਕੀਤੀ ਗਈ ਹੈ, ਜਿਸ ਨਾਲ ਸਾਰੀਆਂ ਛੁੱਟੀਆਂ ਦਾ ਡਾਟਾ ਇਕ ਥਾਂ ਤੇ ਆਟੋਮੈਟਿਕ ਤਰੀਕੇ ਨਾਲ ਰਿਕਾਰਡ ਹੋਵੇਗਾ ਅਤੇ ਦਫ਼ਤਰ ਵਿੱਚ ਕਾਗਜ਼ੀ ਕਾਰਵਾਈ ਘੱਟੇਗੀ। ਇਸ ਨਾਲ ਪ੍ਰਸ਼ਾਸਨਿਕ ਪਾਰਦਰਸ਼ਤਾ ਨੂੰ ਹੋਰ ਮਜ਼ਬੂਤੀ ਮਿਲੇਗੀ ਅਤੇ ਕਰਮਚਾਰੀਆਂ ਦੀਆਂ ਛੁੱਟੀਆਂ ਨਾਲ ਜੁੜੀਆਂ ਗਲਤਫਹਿਮੀਆਂ ਤੋਂ ਵੀ ਬਚਾਅ ਹੋਵੇਗਾ।
ਜਾਰੀ ਕੀਤੀਆਂ ਹਦਾਇਤਾਂ ਅਨੁਸਾਰ, ਹਰ ਕਰਮਚਾਰੀ ਨੂੰ ਆਪਣੀ ਇਤਫਾਕੀਆ ਛੁੱਟੀ ਤੇ ਜਾਣ ਤੋਂ ਇੱਕ ਦਿਨ ਪਹਿਲਾਂ HRMS ਪੋਰਟਲ ਤੇ ਛੁੱਟੀ ਅਪਲਾਈ ਕਰਨੀ ਹੋਵੇਗੀ। ਜੇਕਰ ਕਿਸੇ ਐਮਰਜੈਂਸੀ ਹਾਲਤ ਵਿੱਚ ਛੁੱਟੀ ਦੀ ਲੋੜ ਪੈਂਦੀ ਹੈ, ਤਾਂ ਕਰਮਚਾਰੀ ਵੱਲੋਂ ਛੁੱਟੀ ਨੂੰ ਉਸੇ ਦਿਨ ਸਵੇਰੇ 9 ਵਜੇ ਤੱਕ ਪੋਰਟਲ ’ਤੇ ਦਰਜ ਕਰਨਾ ਲਾਜ਼ਮੀ ਹੋਵੇਗਾ।
ਕਮਿਸ਼ਨਰ ਨੇ ਸਾਰੇ ਵਿਭਾਗ ਮੁਖੀਆਂ ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਆਪਣੇ ਅਧੀਨ ਆਉਣ ਵਾਲੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਇਸ ਨਵੀਂ ਪ੍ਰਕਿਰਿਆ ਬਾਰੇ ਪੂਰੀ ਜਾਣਕਾਰੀ ਦੇਣ ਅਤੇ ਐਚ ਆਰ ਐਮ ਐਸ ਪੋਰਟਲ ਦੇ ਵਰਤੋਂ ਸਬੰਧੀ ਲੋੜੀਂਦੀ ਸਹਾਇਤਾ ਪ੍ਰਦਾਨ ਕਰਨ। ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਕਰਮਚਾਰੀ ਵਲੋਂ ਪੋਰਟਲ ਰਾਹੀਂ ਛੁੱਟੀ ਨਾ ਲੈਣ ਦੇ ਮਾਮਲੇ ਨੂੰ ਪ੍ਰਸ਼ਾਸਨਿਕ ਲਾਪਰਵਾਹੀ ਮੰਨਿਆ ਜਾਵੇਗਾ।
ਇਸ ਨਵੀਂ ਪ੍ਰਕਿਰਿਆ ਨਾਲ ਛੁੱਟੀਆਂ ਦੀ ਮਨਜ਼ੂਰੀ ਤੇ ਰਿਕਾਰਡ ਪ੍ਰਬੰਧਨ ਦੋਵੇਂ ਆਸਾਨ ਹੋ ਜਾਣਗੇ। ਨਗਰ ਨਿਗਮ ਪਟਿਆਲਾ ਨੇ ਇਹ ਵੀ ਐਲਾਨ ਕੀਤਾ ਹੈ ਕਿ ਜੇਕਰ ਕਿਸੇ ਕਰਮਚਾਰੀ ਨੂੰ ਐਚ ਆਰ ਐਮ ਐਸ ਪੋਰਟਲ ਦੀ ਵਰਤੋਂ ਸਬੰਧੀ ਤਕਨੀਕੀ ਸਮੱਸਿਆ ਆਉਂਦੀ ਹੈ, ਤਾਂ ਉਹ IT ਸੈੱਲ ਜਾਂ ਸਬੰਧਤ ਸ਼ਾਖਾ ਨਾਲ ਸੰਪਰਕ ਕਰ ਸਕਦਾ ਹੈ।
ਆਨਲਾਈਨ ਛੁੱਟੀ ਅਪਲਾਈ ਕਰਨ ਮਗਰੋਂ ਕਿਹੜੇ ਅਧਿਕਾਰੀ ਕਿਸ ਆਫ਼ਿਸਰ ਤੋਂ ਲੈਣਗੇ ਮਨਜੂਰੀ
ਸਹਾਇਕ ਕਮਿਸ਼ਨਰ/ਸੁਪਰਿੰਟੈਂਡਿੰਗ ਇੰਜੀਨੀਅਰ/ਸਕੱਤਰ/ਐਮਟੀਪੀ/ਕਾਰਪੋਰੇ
ਇੰਸਪੈਕਟਰ/ਜੂਨੀਅਰ ਸਹਾਇਕ/ਕਲਰਕ ਆਪਣੇ ਸਬੰਧਤ ਅਫਸਰ ਸਹਾਇਕ ਕਮਿਸ਼ਨਰ ਸਾਹਿਬ ਤੋਂ ਲੈਣਗੇ ਮਨਜੂਰੀ
ਸਹਾਇਕ ਕਾਰਪੋਰੇਸ਼ਨ ਇੰਜੀਨੀਅਰ ਜੂਨੀਅਰ ਇੰਜੀਨੀਅਰ/ਸੁਪਰਵਾਈਜ਼ਰ ਆਪਣੇ ਸਬੰਧਤ ਅਫਸਰ ਸੁਪਰਡੈਂਟ ਇੰਜੀਨੀਅਰ ਤੋਂ ਲੈਣਗੇ ਮਨਜੂਰੀ
ਏਟੀਪੀ/ਐਚਡੀਐਮ/ਡੀਐਮ/ਬਿਲਡਿੰਗ ਇੰਸਪੈਕਟਰ
ਆਪਣੇ ਸਬੰਧਤ ਅਫਸਰ ਐਮਟੀਪੀ ਤੋਂ ਲੈਣਗੇ ਮਨਜੂਰੀ
ਮੁੱਖ ਸੈਨੇਟਰੀ ਇੰਸਪੈਕਟਰ/ਸੈਨੇਟਰੀ ਇੰਸਪੈਕਟਰ/ਸੁਪਰਵਾਈਜ਼ਰ ਆਪਣੇ ਸਬੰਧਤ ਅਫਸਰ ਸਿਹਤ ਅਧਿਕਾਰੀ ਤੋਂ ਲੈਣਗੇ ਮਨਜੂਰੀ
ਲੇਖਾਕਾਰ ਆਪਣੇ ਸਬੰਧਤ ਅਫਸਰ ਡੀਸੀਐਫਏ ਤੋਂ ਲੈਣਗੇ ਮਨਜੂਰੀ
ਫਾਇਰਮੈਨ ਆਪਣੇ ਸਬੰਧਤ ਅਫਸਰ ਏਡੀਐਫਓ ਤੋਂ