ਦੇਸ਼ ਦਾ ਹਰ ਬੱਚਾ ਭਵਿੱਖ ਦੇ ਭਾਰਤ ਦਾ ਕਰਨਧਾਰ ਹੈ: ਅਨਿਲ ਕੁਮਾਰ ਭਾਰਤੀ
-ਕੇਂਦਰੀ ਸਕੂਲਾਂ ਵਿੱਚ ਪੜ੍ਹਾਈ ਦੇ ਨਾਲ-ਨਾਲ ਬੱਚਿਆਂ ਨੂੰ ਚੰਗੇ ਸੰਸਕਾਰ ਵੀ ਦਿੱਤੇ ਜਾਂਦੇ ਹਨ : ਪ੍ਰਿੰ. ਸਪਨਾ ਟੇਂਭੁਰਨੇ
ਪਟਿਆਲਾ : ਕੇਂਦਰੀ ਵਿਦਿਆਲਿਆ ਨਾਭਾ ਛਾਉਣੀ ਵਿਖੇ ਹਿੰਦੀ ਪੰਦਰਵਾੜੇ ਤਹਿਤ ਵੱਖ-ਵੱਖ ਮੁਕਾਬਲਿਆਂ ਦੇ ਜੇਤੂਆਂ ਦਾ ਸਨਮਾਨ ਸਮਾਰੋਹ ਕਰਵਾਇਆ ਗਿਆ,ਜਿਸ ਵਿੱਚ ਪਟਿਆਲਾ ਤੋਂ ਆਏ ਅੰਤਰਰਾਸ਼ਟਰੀ ਲੇਖਕ ਅਤੇ ਸਿੱਖਿਆ ਸ਼ਾਸਤਰੀ ਸ਼੍ਰੀ ਅਨਿਲ ਕੁਮਾਰ ਭਾਰਤੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ । ਇਸ ਮੌਕੇ ਕੇਂਦਰੀ ਵਿਦਿਆਲਿਆ ਨਾਭਾ ਦੀ ਪ੍ਰਿੰਸੀਪਲ ਸ਼੍ਰੀਮਤੀ ਸਪਨਾ ਟੇਂਭੁਰਨੇ ਨੇ ਸ਼੍ਰੀ ਭਾਰਤੀ ਦਾ ਫੁੱਲਾਂ ਦਾ ਗੁੱਛਾ ਦੇ ਕੇ ਸਵਾਗਤ ਕੀਤਾ । ਸਕੂਲ ਦੇ ਛੋਟੇ ਬੱਚਿਆਂ ਨੇ ਸੁਰੀਲੇ ਗੀਤ ਗਾ ਕੇ ਹਿੰਦੀ ਦੀ ਮਹੱਤਤਾ ਨੂੰ ਦਰਸਾਇਆ । ਮਾਸਕੋ ਵਿੱਚ ਆਪਣੇ ਠਹਿਰਾਅ ਦੌਰਾਨ ਲੇਖਕ ਅਨਿਲ ਭਾਰਤੀ ਦੇ ਨਾਲ ਕੇਂਦਰੀ ਵਿਦਿਆਲਿਆ ਦੇ ਹਿੰਦੀ ਦੇ ਸੀਨੀਅਰ ਅਧਿਆਪਕ ਸ਼੍ਰੀ ਸੁਸ਼ੀਲ ਕੁਮਾਰ ਆਜ਼ਾਦ ਨੇ ਵੀ ਵਿਦੇਸ਼ਾਂ ਵਿੱਚ ਹਿੰਦੀ ਭਾਸ਼ਾ ਦੇ ਪ੍ਰਚਾਰ-ਪ੍ਰਸਾਰ ਲਈ ਅਨਿਲ ਭਾਰਤੀ ਦੇ ਨਾਲ ਮਿਲਕੇ ਕੀਤੇ ਗਏ ਯਤਨਾਂ ਨੂੰ ਯਾਦ ਕੀਤਾ। ਸ੍ਰੀ ਭਾਰਤੀ ਨੇ ਮੁਕਾਬਲਿਆਂ ਦੌਰਾਨ ਜੇਤੂ ਬੱਚਿਆਂ ਨੂੰ ਸਨਮਾਨ ਚਿੰਨ੍ਹ ਦਿੰਦੇ ਹੋਏ ਕਿਹਾ ਕਿ ਸਕੂਲ ਇੱਕ ਅਜਿਹੀ ਪ੍ਰਯੋਗਸ਼ਾਲਾ ਹੈ ਜਿੱਥੇ ਅਧਿਆਪਕ ਹਰ ਬੱਚੇ ਨੂੰ ਹੀਰੇ ਦੀ ਤਰ੍ਹਾਂ ਤਰਾਸ਼ਦੇ ਹਨ। ਉਸ ਨੇ ਕੇ.ਵੀ. ਨਾਭਾ ਛਾਉਣੀ ਦੇ ਵਿਦਿਆਰਥੀਆਂ ਅਤੇ ਸਟਾਫ਼ ਦੀ ਸ਼ਲਾਘਾ ਕੀਤੀ ਅਤੇ ਸਾਰਿਆਂ ਦੇ ਚੰਗੇ ਭਵਿੱਖ ਦੀ ਕਾਮਨਾ ਕੀਤੀ | ਸਮਾਗਮ ਦੇ ਅੰਤ ਵਿੱਚ ਸ੍ਰੀਮਤੀ ਵੰਦਨਾ ਮਹਾਜਨ ਨੇ ਧੰਨਵਾਦ ਦਾ ਮਤਾ ਪ੍ਰਗਟ ਕੀਤਾ । ਇਸ ਮੌਕੇ ਸ੍ਰੀਮਤੀ ਆਸ਼ਿਮਾ, ਜੋਤੀ ਗੁਪਤਾ, ਸੁਨੀਤਾ ਰਾਣੀ, ਰੁਪਾਲੀ ਧੀਰ, ਮਨਦੀਪ ਸੋਨੀ, ਅੰਮ੍ਰਿਤ ਕੌਰ, ਸਿਮਰਨ, ਹਰਕੀਰਤਨ, ਨਵਦੀਪ ਸ਼ਰਮਾ, ਪੂਜਾ ਸ਼ਰਮਾ, ਸੋਨਿਕਾ ਸ਼ਰਮਾ, ਤੁਸ਼ਾਰ ਮਿੱਤਲ, ਬਲਵੰਤ ਹਾਡਾ, ਨਗਿੰਦਰ ਸਿੰਘ ਆਦਿ ਹਾਜ਼ਰ ਸਨ । ਸਟੇਜ ਦਾ ਸੰਚਾਲਨ ਸ਼੍ਰੀਮਤੀ ਰਿਤੂ ਸ਼ਰਮਾ ਅਤੇ ਸ਼੍ਰੀ ਸੁਰਿੰਦਰ ਸਿੰਘ ਨੇ ਸਾਂਝੇ ਤੌਰ ‘ਤੇ ਕੀਤਾ।