ਤੰਤਰਿਕ ਨੇ ਵਿਦੇਸ਼ ਵਿੱਚ ਪੱਕਾ ਕਰਾਉਣ ਦਾ ਝਾਂਸਾ ਦੇ ਕੇ 8,40,985 ਰੁਪਏ ਦੀ ਮਾਰੀ ਠੱਗੀ
ਘਨੌਰ, 21 ਅਗਸਤ () ਥਾਣਾ ਖੇੜੀ ਗੰਡਿਆਂ ਪੁਲਿਸ ਨੇ ਵਿਦੇਸ਼ ਵਿੱਚ ਪੱਕਾ ਕਰਾਉਣ ਦਾ ਝਾਂਸਾ ਦੇ ਕੇ 8,40,985 ਰੁਪਏ ਦੀ ਠੱਗੀ ਮਾਰਨ ਵਾਲੇ ਤੰਤਰਿਕ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਥਾਣਾ ਖੇੜੀ ਗੰਡਿਆਂ ਪੁਲਿਸ ਕੋਲ ਸ਼ਿਕਾਇਤਕਰਤਾ ਬਲਦੇਵ ਸਿੰਘ ਪੁੱਤਰ ਪਿਆਰਾ ਸਿੰਘ ਵਾਸੀ ਪਿੰਡ ਅਜਰਾਵਰ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਸੁਹੇਲ ਪੁੱਤਰ ਸਦਾਕਤ ਵਾਸੀ ਮਕਾਨ ਨੰ. 5 ਗਲੀ ਨੰ. 6 ਫੇਸ-2 ਦੁੱਗਰੀ ਲੁਧਿਆਣਾ ਹਾਲ ਇਸਲਾਮਾ ਬਾਦ ਮੁਜਫਰਨਗਰ ਯੂ.ਪੀ, ਮੋਹਦ ਆਸਿਫ ਪੁੱਤਰ ਇਸਤਿਆਕ ਵਾਸੀ ਇਸਲਾਮਾਬਾਦ ਬੁਰ ਖਤੋਲੀ, ਮੁਜਫਰਨਗਰ ਯੂ.ਪੀ ਨੇ ਮੇਰੇ ਲੜਕੇ ਅਮਨਦੀਪ ਸਿੰਘ ਨੂੰ ਵਿਦੇਸ਼ ਵਿੱਚ ਪੱਕਾ ਕਰਾਉਣ ਦਾ ਝਾਂਸਾ ਦੇ ਕੇ 8,40,985 ਰੁਪਏ ਲੈ ਲਏ ਹਨ ਪਰ ਬਾਅਦ ਵਿੱਚ ਨਾ ਤਾ ਲੜਕੇ ਨੂੰ ਵਿਦੇਸ਼ ਭੇਜਿਆ ਅਤੇ ਨਾ ਹੀ ਪੈਸੇ ਵਾਪਿਸ ਕੀਤੇ, ਜੋ ਕਿ ਇਹ ਲੋਕ ਭੋਲੇ ਭਾਲੇ ਨੂੰ ਲੋਕਾ ਨੂੰ ਵਿਦੇਸ਼ ਵਿੱਚ ਪੱਕਾ ਕਰਾਉਣ ਅਤੇ ਜਾਦੂ ਟੂਣਿਆ ਨਾਲ ਭਰਮਾ ਕੇ ਠੱਗੀ ਮਾਰਦੇ ਹਨ। ਜਿਸ ਤੇ ਪੁਲਿਸ ਨੇ ਸੁਹੇਲ ਪੁੱਤਰ ਸਦਾਕਤ ਵਾਸੀ ਮਕਾਨ ਨੰ. 5 ਗਲੀ ਨੰ. 6 ਫੇਸ-2 ਦੁੱਗਰੀ ਲੁਧਿਆਣਾ ਹਾਲ ਇਸਲਾਮਾ ਬਾਦ ਮੁਜਫਰਨਗਰ ਯੂ.ਪੀ, ਮੋਹਦ ਆਸਿਫ ਪੁੱਤਰ ਇਸਤਿਆਕ ਵਾਸੀ ਇਸਲਾਮਾਬਾਦ ਬੁਰ ਖਤੋਲੀ, ਮੁਜਫਰਨਗਰ ਯੂ.ਪੀ ਖਿਲਾਫ 406, 420, 506,120-ਬੀ ਧਰਾਵਾ ਤਹਿਤ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।