ਪਟਿਆਲਾ 6 ਸਤੰਬਰ – ਜਾਗਦੇ ਰਹੋ ਕਲੱਬ ਪਟਿਆਲਾ ਪਿਛਲੇ ਲੰਮੇ ਸਮੇਂ ਤੋਂ ਸਮਾਜ ਭਲਾਈ ਦੇ ਕਾਰਜ ਰਿਹਾ ਹੈ।ਕਲੱਬ ਪ੍ਰਧਾਨ ਅਮਰਜੀਤ ਸਿੰਘ ਜਾਗਦੇ ਰਹੋ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਿਛਲੇ ਦਿਨੀ ਫੋਨ ਆਇਆ ਸੀ,ਕਿ ਇੱਕ ਗਰੀਬ ਧੀ ਦਾ ਵਿਆਹ ਹੈ।ਲੜਕੀ ਨਿਤੇਸ ਰਾਣੀ ਜਿਸ ਦਾ ਵਿਆਹ ਸੀ,ਕਲੱਬ ਵੱਲੋਂ ਪਰਿਵਾਰ ਨੂੰ ਦਸ ਹਜ਼ਾਰ ਰੁਪਏ ਦਾ ਕਰਿਆਨੇ ਦਾ ਸਾਮਾਨ ਦਿਵਾ ਕੇ ਮੱਦਦ ਕੀਤੀ ਗਈ।
ਪ੍ਰਧਾਨ ਅਮਰਜੀਤ ਸਿੰਘ ਜਾਗਦੇ ਰਹੋ ਨੇ ਕਿਹਾ ਕਿ ਲੋੜਵੰਦਾਂ ਪਰਿਵਾਰਾਂ ਦੀ ਮੱਦਦ ਕਰਨਾ ਸਭ ਤੋਂ ਵੱਡਾ ਪੁੰਨ ਹੈ।ਕਲੱਬ ਵੱਲੋਂ ਇਹ ਨਿਰੰਤਰ ਸੇਵਾਵਾਂ ਲਗਾਤਾਰ ਜਾਰੀ ਹਨ।ਜਿਹੜੇ ਇਲਾਕੇ ਹੜਾਂ ਦੀ ਮਾਰ ਝੱਲ ਰਹੇ ਹਨ,ਉੱਥੇ ਵੀ ਕਲੱਬ ਵੱਲੋਂ ਲੋੜੀਂਦਾ ਸਮਾਨ,ਰਾਸਨ,ਅਤੇ ਦਵਾਈਆਂ ਭੇਜੀਆਂ ਜਾ ਰਹੀਆਂ ਹਨ।ਪਹਿਲਾਂ ਵੀ ਕਲੱਬ ਵੱਲੋਂ ਕਈ ਲੋੜਵੰਦ ਲੜਕੀਆਂ ਦੇ ਵਿਆਹਾਂ ਵਿੱਚ ਮੱਦਦ ਕੀਤੀ ਜਾ ਚੁੱਕੀ ਹੈ।
ਜੇਕਰ ਕਿਸੇ ਗਰੀਬ ਪਰਿਵਾਰ ਦੀ ਲੜਕੀ ਦਾ ਵਿਆਹ ਹੋਵੇ,ਤਾਂ ਉਹ ਪਰਿਵਾਰ ਜਾਗਦੇ ਰਹੋ ਕਲੱਬ ਨਾਲ ਸੰਪਰਕ ਕਰਨ ਤਾਂ ਜੋ ਉਨ੍ਹਾਂ ਦੀ ਤੁਰੰਤ ਮੱਦਦ ਕੀਤੀ ਜਾ ਸਕੇ।ਇਸ ਮੌਕੇ ਕਲੱਬ ਪ੍ਰਧਾਨ ਅਮਰਜੀਤ ਸਿੰਘ ਜਾਗਦੇ ਰਹੋ,ਗੁਰਵਿੰਦਰ ਸਿੰਘ ਖਾਂਸਿਆ,ਲੜਕੀ ਦੇ ਪਿਤਾ ਨੰਦ ਲਾਲ, ਮਾਤਾ ਨਿਰਮਲਾ,ਸੰਜੂ,ਸੁਨੀਲ,ਵਿਜੇ,ਕਰਮਵੀਰ ਸਿੰਘ ਰਾਣਾ,ਹਰਕ੍ਰਿਸ਼ਨ ਸਿੰਘ ਸੁਰਜੀਤ,ਰਣਜੀਤ ਕੌਰ ਪਾਰਕ ਹਸਪਤਾਲ,ਅਤੇ ਸੁਖਵਿੰਦਰ ਸਿੰਘ ਬਰਨਾਲਾ ਹਾਜ਼ਰ ਸੀ।