ਖੇਤਾਂ ਵਿਚ ਰਹਿੰਦ ਖੂਹੰਦ ਨੂੰ ਅੱਗ ਲਗਾ ਕੇ ਸਾੜਨ ਦੇ ਚਲਦਿਆਂ ਭੜਕੀ ਅੱਗ ਨੇ ਜ਼ਿੰਦਾ ਪੰਛੀ ਤੇ ਜਾਨਵਰਾਂ ਦੇ ਰੈਣ ਬਸੇਰਿਆਂ ਨੂੰ ਵੀ ਸਾੜਿਆ
ਬਰਨਾਲਾ : ਪੰਜਾਬ ਦੇ ਸ਼ਹਿਰ ਬਰਨਾਲਾ ਵਿਖੇ ਇਕ ਵਿਅਕਤੀ ਵਲੋਂ ਆਪਣੇ ਖੇਤਾਂ ਅੰਦਰ ਫਸਲ ਦੀ ਰਹਿੰਦ ਖੂਹੰਦ ਨੂੰ ਅੱਗ ਲਗਾ ਕੇ ਖੇਤ ਨੂੰ ਖਾਲੀ ਕਰਨ ਦਾ ਯਤਨ ਕੀਤਾ ਗਿਆ ਦੇ ਚਲਦਿਆਂ ਅੱਗ ਇੰਨੀ ਜਿ਼ਆਦਾ ਭੜਕ ਗਈ ਕਿ ਆਲੇ ਦੁਆਲੇ ਦਰੱਖਤਾਂ ਆਦਿ ਤੇ ਰਹਿੰਦੀ ਪੰਛੀਆਂ ਅਤੇ ਜਾਨਵਰਾਂ ਦੇ ਰੈਣ ਬਸੇਰਿਆਂ ਨੂੰ ਵੀ ਅੱਗ ਲੱਗ ਗਈ ਅਤੇ ਉਹ ਮੌਤ ਦੇ ਘਾਟ ਉਤਰ ਗਏ। ਦੱਸਣਯੋਗ ਹੈ ਕਿ ਇਕ ਪਾਸੇ ਪੰਜਾਬ ਸਰਕਾਰ, ਵਾਤਾਵਰਣ ਤੇ ਵਣ ਜੀਵ ਪ੍ਰੇਮੀਆਂ ਵਲੋਂ ਵਧ ਰਹੇ ਤਾਪਮਾਨ ਦੇ ਕਾਰਨ ਵਿਗੜ ਰਹੇ ਵਾਤਾਵਰਣ ਦਾ ਸੰਤੁਲਨ ਠੀਕ ਕਰਨ ਲਈ ਵੱਧ ਤੋਂ ਵੱਧ ਰੁੱਖ ਲਗਾਏ ਜਾ ਰਹੇ ਹਨ ਪਰ ਦੂਜੇ ਪਾਸੇ ਕੁਝ ਸੌੜੀ ਮਾਨਸਿਕਤਾ ਵਾਲੇ ਲੋਕਾਂ ਵੱਲੋਂ ਆਪਣੇ ਨਿੱਜੀ ਹਿਤਾਂ ਨੂੰ ਮੁੱਖ ਰੱਖਦੇ ਹੋਏ ਖੇਤਾਂ ’ਚ ਅੱਗ ਲਗਾ ਕੇ ਜਿੱਥੇ ਸੈਂਕੜੇ ਰੁੱਖ ਸਾੜੇ ਜਾ ਰਹੇ ਹਨ, ਉਥੇ ਹੀ ਸੈਂਕੜੇ ਪੰਛੀਆਂ ਨੂੰ ਵੀ ਅੱਗ ’ਚ ਸਾੜ ਕੇ ਮਾਰਿਆ ਜਾ ਰਿਹਾ ਹੈ।