ਕਿਸ਼ੋਰ ਨੇ ਗੇਮ ਟਾਸਕ ਪੂਰਾ ਕਰਨ ਲਈ 14ਵੀਂ ਮੰਜ਼ਿਲ ਤੋਂ ਛਾਲ ਮਾਰੀ, ਮੌਤ
ਨਵੀਂ ਦਿੱਲੀ, 30 ਜੁਲਾਈ : ਇਕ ਨੌਜਵਾਨ ਨੇ ਗੇਮ ਟਾਸਕ ਪੂਰਾ ਕਰਨ ਲਈ 14ਵੀਂ ਮੰਜ਼ਿਲ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਇਹ ਘਟਨਾ ਮਹਾਰਾਸ਼ਟਰ ਦੇ ਪੁਣੇ ਦੀ ਹੈ। 10ਵੀਂ ਜਮਾਤ ‘ਚ ਪੜ੍ਹਦੇ ਨੌਜਵਾਨ ਨੇ 14ਵੀਂ ਮੰਜ਼ਿਲ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਕਿਸ਼ੋਰ ਨੇ ਇੱਕ ਗੇਮ ਦੇ ਟਾਸਕ ਨੂੰ ਪੂਰਾ ਕਰਨ ਲਈ ਇਹ ਕਦਮ ਚੁੱਕਿਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਘਟਨਾ ਦੀ ਤੁਲਨਾ 2017 ਵਿੱਚ ਪਾਬੰਦੀਸ਼ੁਦਾ ਬਲੂ ਵ੍ਹੇਲ ਗੇਮ ਨਾਲ ਕੀਤੀ ਜਾ ਰਹੀ ਹੈ। ਬਲੂ ਵ੍ਹੇਲ ਗੇਮ ‘ਚ ਖਿਡਾਰੀ ਖੁਦਕੁਸ਼ੀ ਕਰਨ ਲਈ ਮਜ਼ਬੂਰ ਹੋਏ। ਪੁਲਸ ਨੇ ਮ੍ਰਿਤਕ ਵਿਦਿਆਰਥੀ ਦੇ ਕਮਰੇ ‘ਚੋਂ ਇਕ ਕਾਗਜ਼ ਬਰਾਮਦ ਕੀਤਾ ਹੈ, ਜਿਸ ‘ਤੇ ਅਪਾਰਟਮੈਂਟ ਅਤੇ ਗੈਲਰੀ ‘ਚੋਂ ਛਾਲ ਮਾਰਨ ਦਾ ਕੰਮ ਲਿਖਿਆ ਹੋਇਆ ਹੈ। ਕਾਗਜ ‘ਤੇ ਲੌਗਆਉਟ ਲਿਖਿਆ ਵੀ ਮਿਲਿਆ। ਪੁਲਿਸ ਨੂੰ ਗੇਮ ਦੀ ਕੋਡਿੰਗ ਭਾਸ਼ਾ ਵਿੱਚ ਲਿਖੇ ਕਈ ਹੋਰ ਕਾਗਜ਼ ਵੀ ਮਿਲੇ ਹਨ, ਪੁਲਿਸ ਨੇ ਹਾਦਸੇ ਦਾ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।