ਚੰਡੀਗੜ, 5 ਦਸੰਬਰ : ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਕਾਰਨ ਪਿਛਲੇ ਕੁਝ ਦਿਨਾਂ ਤੋਂ ਯਾਤਰੀਆਂ ਨੂੰ ਭਾਰੀ ਦੁੱਖ–ਤਕਲੀਫ਼ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਮੁਹਾਲੀ ਹਵਾਈ ਅੱਡੇ ‘ਤੇ ਚੰਡੀਗੜ੍ਹ–ਪੁਣੇ ਉਡਾਨ ਨੌਂ ਘੰਟੇ ਦੇਰੀ ਨਾਲ ਚਲੀ, ਜਿਸ ਕਾਰਨ ਯਾਤਰੀਆਂ ਨੂੰ ਪੂਰੀ ਰਾਤ ਹਵਾਈ ਅੱਡੇ ‘ਤੇ ਹੀ ਬਿਤਾਉਣੀ ਪਈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਯਾਤਰੀਆਂ ਨੇ ਦੱਸਿਆ ਕਿ ਇੰਡੀਗੋ ਦੇ ਅਧਿਕਾਰੀ ਰਾਤ ਭਰ ਉਡਾਨ ਦੇ ਸਮੇਂ ਵਿੱਚ ਤਬਦੀਲੀਆਂ ਦੱਸਦੇ ਰਹੇ, ਪਰ ਜਹਾਜ਼ ਰਾਤ ਨੂੰ ਉਡਾਨ ਨਾ ਭਰ ਸਕਿਆ।
ਯਾਤਰੀਆਂ ਨੂੰ ਕਈ ਵਾਰ ਨਵਾਂ ਸਮਾਂ ਦਿੱਤਾ ਗਿਆ—ਪਹਿਲਾਂ 9:15 ਵਜੇ, ਫਿਰ 11:45 ਵਜੇ, ਉਸਤੋਂ ਬਾਅਦ 12:10 ਵਜੇ ਅਤੇ ਫਿਰ 1:10 ਵਜੇ ਰਵਾਨਗੀ ਦੀ ਜਾਣਕਾਰੀ ਦਿੱਤੀ ਗਈ।
ਇੱਕ ਯਾਤਰੀ ਨੇ ਦੱਸਿਆ ਕਿ ਉਨਾਂ ਨੇ ਸਵੇਰੇ 4 ਵਜੇ ਅਧਿਕਾਰੀਆਂ ਨਾਲ ਮੁਲਾਕਾਤ ਕੀਤੀ, ਜਿਸਤੋਂ ਬਾਅਦ 7:15 ਵਜੇ ਜਹਾਜ਼ ਵਿੱਚ ਚੜ੍ਹਨ ਦੀ ਇਜਾਜ਼ਤ ਦਿੱਤੀ ਗਈ।
ਜਾਣਕਾਰੀ ਮੁਤਾਬਿਕ, ਇਹ ਇੰਡੀਗੋ ਲਈ ਲਗਾਤਾਰ ਚੌਥਾ ਦਿਨ ਸੀ ਜਦੋਂ ਯਾਤਰੀਆਂ ਨੂੰ ਬੇਹੱਦ ਮੁਸ਼ਕਲਾਂ ਵਿੱਖਣੀਆਂ ਪਈਆਂ।