ਅਧਿਆਪਕ ਵਲੋਂ ਵਿਦਿਆਰਥੀ ਦੇ ਥੱਪੜ ਮਾਰਨ ਦੇ ਚਲਦਿਆਂ ਫਟੀ ਗਲ ਕਾਰਨ ਲੱਗੇ ਚਾਰ ਟਾਂਕੇ

ਅਧਿਆਪਕ ਵਲੋਂ ਵਿਦਿਆਰਥੀ ਦੇ ਥੱਪੜ ਮਾਰਨ ਦੇ ਚਲਦਿਆਂ ਫਟੀ ਗਲ ਕਾਰਨ ਲੱਗੇ ਚਾਰ ਟਾਂਕੇ
ਕੋਟਾ : ਭਾਰਤ ਦੇਸ਼ ਦੇ ਸ਼ਹਿਰ ਕੋਟਾ ਦਿਹਾਤੀ ਦੇ ਇੱਕ ਸਰਕਾਰੀ ਸਕੂਲ ਦੇ ਅਧਿਆਪਕ ਨੇ ਅੱਠਵੀਂ ਜਮਾਤ ਦੇ ਵਿਦਿਆਰਥੀ ਨੂੰ ਇੰਨਾ ਜ਼ੋਰਦਾਰ ਥੱਪੜ ਮਾਰਿਆ ਕਿ ਉਸ ਦੀ ਗੱਲ੍ਹ ਹੀ ਫਟ ਗਈ, ਜਿਸ ਕਰਕੇ ਪੀੜਤ ਵਿਦਿਆਰਥੀ ਨੂੰ ਚਾਰ ਟਾਂਕੇ ਲਗਵਾਉਣੇ ਪਏ।ਵਿਦਿਆਰਥੀ ਦੇ ਮਾਪਿਆਂ ਨੇ ਅਧਿਆਪਕ ਖਿਲਾਫ਼ ਸੁਕੇਤ ਥਾਣੇ ਵਿੱਚ ਕੇਸ ਦਰਜ ਕਰਵਾਇਆ ਹੈ। ਘਟਨਾ ਤੋਂ ਬਾਅਦ ਵਿਦਿਆਰਥੀ ਦੇ ਪਰਿਵਾਰਕ ਮੈਂਬਰਾਂ ਅਤੇ ਪਿੰਡ ਵਾਸੀਆਂ ‘ਚ ਗੁੱਸਾ ਹੈ। ਪੀੜਤ ਵਿਦਿਆਰਥੀ ਡਰਿਆ ਹੋਇਆ ਹੈ। ਫਿਲਹਾਲ ਪੁਲਸ ਪੂਰੇ ਮਾਮਲੇ ਦੀ ਜਾਂਚ ‘ਚ ਜੁਟੀ ਹੈ। ਜ਼ਖਮੀ ਵਿਦਿਆਰਥੀ ਦੇ ਪਿਤਾ ਮਨੋਜ ਰਾਠੌਰ ਨੇ ਦੱਸਿਆ ਕਿ ਉਨ੍ਹਾਂ ਦੇ ਬੇਟੇ ‘ਤੇ ਹਮਲੇ ਦੀ ਸੂਚਨਾ ਮਿਲਣ ‘ਤੇ ਉਹ ਹਸਪਤਾਲ ਪਹੁੰਚੇ ਸਨ। ਜਦੋਂ ਮੈਂ ਉੱਥੇ ਗਿਆ ਤਾਂ ਦੇਖਿਆ ਕਿ ਬੇਟੇ ਦੀ ਗੱਲ੍ਹ ‘ਤੇ ਜ਼ਖ਼ਮ ਸੀ। ਡਾਕਟਰ ਨੇ ਉਸ ਦੀ ਗੱਲ੍ਹ ‘ਤੇ ਚਾਰ ਟਾਂਕੇ ਲਗਾ ਕੇ ਉਸ ਦਾ ਇਲਾਜ ਕੀਤਾ। ਉਸਦਾ ਪੁੱਤਰ ਅੰਗਰੇਜ਼ੀ ਮਾਧਿਅਮ ਦੇ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਸੁਕੇਤ ਵਿੱਚ ਅੱਠਵੀਂ ਜਮਾਤ ਵਿੱਚ ਪੜ੍ਹਦਾ ਹੈ। ਮਨੋਜ ਰਾਠੌਰ ਨੇ ਦੱਸਿਆ ਕਿ ਸਕੂਲ ਦੇ ਅਧਿਆਪਕ ਸ਼ਿਵ ਦਿਆਲ ਨੇ ਮੇਜ਼ ਡਿੱਗਣ ਦੇ ਮਾਮਲੇ ‘ਤੇ ਉਸ ਦੇ ਬੇਟੇ ਨੂੰ ਜ਼ੋਰਦਾਰ ਥੱਪੜ ਮਾਰਿਆ। ਪੀੜਤ ਪਰਿਵਾਰ ਨੇ ਅਧਿਆਪਕ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ ਹੈ
ਮਨੋਜ ਰਾਠੌਰ ਅਨੁਸਾਰ ਅਧਿਆਪਕ ਨੇ ਹੱਥ ਵਿੱਚ ਲੋਹੇ ਦੇ ਕੜੇ ਵਰਗੀ ਕੋਈ ਚੀਜ਼ ਪਾਈ ਹੋਈ ਸੀ। ਇਸ ਕਾਰਨ ਬੱਚੇ ਦੀ ਗੱਲ੍ਹ ‘ਤੇ ਡੂੰਘਾ ਜ਼ਖ਼ਮ ਹੋ ਗਿਆ। ਇਸ ਤੋਂ ਬਾਅਦ ਸਕੂਲ ਦੇ ਦੋ ਵਿਦਿਆਰਥੀ ਉਸ ਨੂੰ ਹਸਪਤਾਲ ਲੈ ਗਏ। ਹਸਪਤਾਲ ਤੋਂ ਉਸ ਨੂੰ ਆਪਣੇ ਬੇਟੇ ‘ਤੇ ਹੋਏ ਹਮਲੇ ਦੀ ਜਾਣਕਾਰੀ ਮਿਲੀ। ਇਸ ‘ਤੇ ਉਹ ਉਥੇ ਪਹੁੰਚ ਗਿਆ। ਰਾਠੌਰ ਅਨੁਸਾਰ ਜਦੋਂ ਉਸ ਨੇ ਇਸ ਬਾਰੇ ਅਧਿਆਪਕ ਨੂੰ ਸ਼ਿਕਾਇਤ ਕੀਤੀ ਤਾਂ ਉਹ ਬਦਸਲੂਕੀ ਆਇਆ। ਸੁਚੇਤ ਰਘੁਵੀਰ ਸਿੰਘ ਨੇ ਦੱਸਿਆ ਕਿ ਵਿਦਿਆਰਥੀ ਦੇ ਪਰਿਵਾਰ ਵਾਲਿਆਂ ਨੇ ਅਧਿਆਪਕ ਸ਼ਿਵ ਦਿਆਲ ਖਿਲਾਫ ਰਿਪੋਰਟ ਦਿੱਤੀ ਹੈ। ਉਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਂਚ ਦੇ ਆਧਾਰ ‘ਤੇ ਅਗਲੀ ਕਾਰਵਾਈ ਕੀਤੀ ਜਾਵੇਗੀ ।