ਮਿਆਦ ਪੁਗਾ ਚੁੱਕੇ ਚਿਪਸ ਦੇ ਪੈਕੇਟ ਵਿਚੋਂ ਬਦਬੂ ਆਉਣ ਤੇ ਹੋਇਆ ਖੁਲਾਸਾ ਕਿ ਸਿਰਫ਼ ਪੈਕੇਟ ਹੀ ਐਕਸਪਾਇਰੀ ਡੇਟ ਵਾਲਾ ਨਹੀਂ ਸੀ ਕਿ ਬਲਕਿ ਵੇਚਣ ਵਾਲਾ ਵੈਂਡਰ ਵੀ ਗੈਰ ਕਾਨੂੰਨੀ ਢੰਗ ਨਾਲ ਵੇਚ ਰਿਹਾ ਸੀ ਸਮਾਨ
ਆਗਰਾ : ਆਗਰਾ ਜਾ ਰਹੀ ਇਕ ਟ੍ਰੇਨ ਵਿਚ ਚਿਪਸ ਦੇ ਪੈਕੇਟ ਵਿਚੋਂ ਬਦਬੂ ਆਉਣ ਤੇ ਸਵਾਰੀਆਂ ਵਲੋਂ ਕੀਤੀ ਗਈ ਪੂਰੀ ਜਾਂਚ ਤੋਂ ਗੱਲ ਸਾਹਮਣੇ ਆਈ ਕਿ ਰੇਲ ਅੰਦਰ ਚਿਪਸ ਦੇ ਪੈਕੇਟ ਵੇਚ ਰਿਹਾ ਵੈਂਡਰ ਜਿਥੇ ਮਿਆਦ ਪੁਗਾ ਚੁੱਕੇ ਪੈਕੇਟ ਵੇਚ ਰਿਹਾ ਸੀ, ਉਥੇ ਇਹ ਖੁਦ ਵੀ ਬਿਨਾਂ ਲਾਇਸੈਂਸ ਦੇ ਹੀ ਗੈਰ ਕਾਨੂੰਨੀ ਢੰਗ ਨਾਲ ਵਸਤਾਂ ਦੀ ਸੇਲ ਕਰ ਰਿਹਾ ਸੀ। ਰੇਲਵੇ ਦੇ ਇਕ ਅਧਿਕਾਰੀ ਪੁਸ਼ਤੀ ਸ਼੍ਰੀਵਾਸਤਵ ਨੇ ਦੱਸਿਆ ਕਿ ਉੱਤਰੀ ਮੱਧ ਰੇਲਵੇ ਆਗਰਾ ਡਿਵੀਜ਼ਨ ਵਿੱਚ ਗੈਰ-ਕਾਨੂੰਨੀ ਵੈਂਡਿੰਗ ਵਿਰੁੱਧ ਲਗਾਤਾਰ ਮੁਹਿੰਮ ਵੀ ਚਲਾਈ ਜਾ ਰਹੀ ਹੈ। ਜਿਸ ਵਿੱਚ ਅਣਅਧਿਕਾਰਤ ਪਾਣੀ ਦੀਆਂ ਬੋਤਲਾਂ ਜਾਂ ਪੈਕਡ ਖਾਣ-ਪੀਣ ਦੀਆਂ ਵਸਤੂਆਂ ਫੜੀਆਂ ਜਾ ਰਹੀਆਂ ਹਨ।ਇਸ ਸਭ ਦੇ ਚਲਦਿਆਂ ਇੱਕ ਯਾਤਰੀ ਦੀ ਸਿ਼ਕਾਇਤ ‘ਤੇ ਇੱਕ ਗੈਰ ਕਾਨੂੰਨੀ ਵਿਕਰੇਤਾ ਨੂੰ ਫੜਿਆ ਗਿਆ।ਜਿਸ ਤੇ ਉਸ ਨੇ ਦੱਸਿਆ ਕਿ ਉਸ ਕੋਲ ਸਥਾਨਕ ਕੰਪਨੀਆਂ ਦੇ ਚਿਪਸ ਅਤੇ ਕੋਲਡ ਡਰਿੰਕਸ ਹਨ। ਕਈ ਵਾਰ ਇਨ੍ਹਾਂ ਦੀ ਮਿਆਦ ਖਤਮ ਹੋ ਜਾਂਦੀ ਹੈ। ਇਸ ਦੇ ਬਾਵਜੂਦ ਉਹ ਵੇਚਦੇ ਰਹਿੰਦੇ ਹਨ। ਇਸ ਕਾਰਨ ਕਈ ਵਾਰ ਬਦਬੂ ਵੀ ਆਉਂਦੀ ਹੈ। ਕਿਉਂਕਿ ਵਿਕਰੇਤਾ ਖਰਾਬ ਮਾਲ ਵੇਚਣ ਤੋਂ ਬਾਅਦ ਤੇਜ਼ੀ ਨਾਲ ਚਲੇ ਜਾਂਦੇ ਹਨ, ਇਸ ਲਈ ਉਹ ਯਾਤਰੀਆਂ ਦੁਆਰਾ ਫੜੇ ਨਹੀਂ ਜਾਂਦੇ ਸਨ।