ਪੰਜਾਬ ਹੋਮਗਾਰਡ ਜਵਾਨ ਦੀ ਹੋਈ ਸੜਕੀ ਹਾਦਸੇ ਵਿਚ ਮੌਤ
ਖੇਮਕਰਨ : ਪੰਜਾਬ ਦੇ ਖੇਮਕਰਨ ਵਿਚ ਪੰਜਾਬ ਹੋਮਗਾਰਡ ਵਿਚ ਡਿਊਟੀ ਨਿਭਾ ਰਹੇ ਸਿਰਤਾਜ ਸਿੰਘ ਦੀ ਇਕ ਸੜਕੀ ਹਾਦਸੇ ਦੌਰਾਨ ਮੌਤ ਹੋ ਗਈ ਹੈ। ਪ੍ਰਭਦੀਪ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸਦਾ ਪਿਤਾ ਸਿਰਤਾਜ ਸਿੰਘ ਜੋ ਕਿ 51 ਸਾਲਾਂ ਦਾ ਸੀ ਪੰਜਾਬ ਹੋਮਗਾਰਡ ਦੇ ਕਰਮਚਾਰੀ ਸਨ ਅਤੇ ਥਾਣਾ ਵਲਟੋਹਾ ਵਿਖੇ ਤਾਇਨਾਤ ਸੀ। ਜੋ ਰੋਜ ਵਾਂਗ ਡਿਊਟੀ ’ਤੇ ਜਾ ਰਹੇ ਸਨ ਕਿ ਜਦੋਂ ਉਹ ਕੈਂਚੀ ਮੋੜ ਆਸਲ ਉਤਾੜ ਕੋਲ ਪੁੱਜੇ ਤਾਂ ਉਨ੍ਹਾਂ ਦੇ ਅੱਗੇ ਜਾ ਰਹੀ ਸਕੂਲ ਬੱਸ ਦੇ ਚਾਲਕ ਨੇ ਅਚਾਨਕ ਬੱਸ ਦੀ ਬਰੇਕ ਲਗਾ ਦਿੱਤੀ, ਜਿਸ ਕਾਰਨ ਉਸਦੇ ਪਿਤਾ ਬੱਸ ਨਾਲ ਪਿੱਛੋਂ ਜਾ ਟਕਰਾਏ ਅਤੇ ਗੰਭੀਰ ਜਖਮੀ ਹੋ ਗਏ, ਜਿਨ੍ਹਾਂ ਨੂੰ ਇਲਾਜ ਲਈ ਉਹ ਅੰਮ੍ਰਿਤਸਰ ਦੇ ਨਿੱਜੀ ਹਸਪਤਾਲ ਲਿਜਾਇਆ ਗਿਆ ਪਰ ਉਨ੍ਹਾਂ ਉਥੇ ਪਹੁੰਚਦਿਆਂ ਹੀ ਦਮ ਤੋੜ ਦਿੱਤਾ।