ਦਿੱਲੀ, 14 ਨਵੰਬਰ 2025 : ਦਿੱਲੀ ਦੇ ਲਾਲ ਕਿਲੇ ਵਿਚ ਹੋਏ ਭਿਆਨਕ ਧਮਾਕੇ ਤੋਂ ਬਾਅਦ ਸੁਰੱਖਿਆ ਏਜੰਸੀਆਂ ਨੇ ਕੜੀ ਕਾਰਵਾਈ ਕਰਦੇ ਹੋਏ ਮੁੱਖ ਦੋਸ਼ੀ ਮੰਨੇ ਜਾ ਰਹੇ ਡਾ. ਉਮਰ ਨਬੀ ਦੇ ਪੁਲਵਾਮਾ (ਜੰਮੂ-ਕਸ਼ਮੀਰ) ਸਥਿਤ ਘਰ ਨੂੰ ਢੇਹਿ ਢੇਰੀ ਕਰ ਦਿੱਤਾ ਹੈ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਡਾ. ਉਮਰ ਨਬੀ ਵਿਸਫੋਟਕਾਂ ਨਾਲ ਭਰੀ ਕਾਰ ਚਲਾ ਰਿਹਾ ਸੀ, ਜਿਸਤੋ ਬਾਅਦ ਧਮਾਕਾ ਹੋਇਆ ਸੀ।
ਇਸ ਧਮਾਕੇ ਵਿਚ ਕਰੀਬ 13 ਲੋਕਾਂ ਦੀ ਦਰਦਨਾਕ ਮੌਤ ਹੋ ਗਈ ਸੀ, ਜਦਕਿ ਕਈ ਜ਼ਖ਼ਮੀ ਹੋਏ। ਘਟਨਾ ਤੋਂ ਬਾਅਦ ਮੌਕੇ ਤੋਂ ਮਿਲੇ ਅਵਸ਼ੇਸ਼ਾਂ ਦੀ ਡੀਐਨਏ ਜਾਂਚ ਕੀਤੀ ਗਈ। ਡੀਐਨਏ ਨਮੂਨੇ ਡਾ. ਉਮਰ ਨਬੀ ਦੇ ਪਰਿਵਾਰ, ਖਾਸ ਕਰਕੇ ਉਸਦੀ ਮਾਂ ਨਾਲ ਮਿਲਾਏ ਗਏ, ਜਿਸ ਤੋਂ ਬਾਅਦ ਉਸਦੀ ਪਹਿਚਾਣ ਦੀ ਪੁਸ਼ਟੀ ਹੋਈ।
ਦੋਸ਼ੀ ਦੀ ਪਛਾਣ ਸਾਫ਼ ਹੋਣ ਤੋਂ ਬਾਅਦ ਸੁਰੱਖਿਆ ਬਲਾਂ ਨੇ ਉਸਦੇ ਘਰ ਨੂੰ ਢਹਾ ਕੇ ਕਾਰਵਾਈ ਨੂੰ ਅੱਗੇ ਵਧਾਇਆ। ਅਧਿਕਾਰੀਆਂ ਦਾ ਇਹ ਕਦਮ ਆਤੰਕਵਾਦ ਦੀ ਕਮਰ ਤੋੜਨ ਵਿਚ ਮੁਖ ਭੂਮਿਕਾ ਅਦਾ ਕਰੇਗਾ।
ਇਸ ਸਮੇਂ ਕੇਂਦਰੀ ਤੇ ਸੂਬਾਈ ਜਾਂਚ ਏਜੰਸੀਆਂ ਕੇਸ ਦੇ ਵੱਖ–ਵੱਖ ਪੱਖਾਂ ਦੀ ਜਾਂਚ ਵਿਚ ਜੁਟੀਆਂ ਹਨ, ਤਾਂ ਜੋ ਧਮਾਕੇ ਪਿੱਛੇ ਪੂਰੇ ਜਾਲ ਨੂੰ ਬੇਨਕਾਬ ਕੀਤਾ ਜਾ ਸਕੇ।