ਪਟਿਆਲਾ ਦਿਹਾਤੀ ਤ੍ਰਿਪੜੀ,ਅਨੰਦ ਨਗਰ,ਮਨਜੀਤ ਨਗਰ ਦੀਆਂ ਸੜਕਾਂ ਦਾ ਹਾਲਤ ਬਦ ਤੋ ਬਦਤਰ ਲਈ ਸਰਕਾਰ ਜਿਮੇਵਾਰ: ਲੋਟ ,ਚਾਹਲ
ਪਟਿਆਲਾ:7 ਜੁਲਾਈ, ਸ੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਲਖਬੀਰ ਸਿੰਘ ਲੋਟ ਅਤੇ ਮੁਲਾਜ਼ਮ ਵਿੰਗ ਦੇ ਸਕੱਤਰ ਜਨਰਲ ਮਨਜੀਤ ਸਿੰਘ ਚਾਹਲ ਨੇ ਦੱਸਿਆਂ ਕਿ ਪਟਿਆਲਾ ਦਿਹਾਤੀ ਦੇ ਤ੍ਰਿਪੜੀ ਤੇ ਅਨੰਦ ਨਗਰ ਬੀ,ਮਨਜੀਤ ਨਗਰ ਦੀਆਂ ਸੜਕਾਂ ਦੀ ਬਦਤਰ ਹਾਲਤ ਤੇ ਪੰਜਾਬ ਸਰਕਾਰ ਦੀ ਤਿੱਖੀ ਅਲੋਚਨਾ ਕੀਤੀ ਹੈ।ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਅਨੰਦ ਨਗਰ ਤੇ ਮਨਜੀਤ ਨਗਰ ਦੀ ਸੜਕ ਇਕ ਦਰਜ਼ਨ ਕਲੋਨੀਆਂ ਨੂੰ ਆਪਸ ਵਿੱਚ ਜ਼ੋੜਦੀ ਹੈ।ਜਿਸ ਦੀ ਹਾਲਤ ਬਹੁਤ ਬਦਤਰ ਹੋ ਚੁੱਕੀ ਹੈ।ਉਨ੍ਹਾਂ ਕਿਹਾ ਇਸ ਇਲਾਕੇ ਵਿੱਚ ਦੁਕਾਨਦਾਰਾਂ ਦਾ ਕੰਮ ਖਤਮ ਹੋ ਰਿਹਾ ਹੈ।ਉਨ੍ਹਾਂ ਨੂੰ ਦੁਕਾਨਾ ਦੇ ਕਿਰਾਏ ਅਤੇ ਬਿਜਲੀ ਦੇ ਬਿਲ ਭਰਨੇ ਅੋਖੇ ਹੋ ਰਹੇ ਹਨ।ਉਨ੍ਹਾਂ ਦੱਸਿਆਂ ਕਿ ਸਰਕਾਰ ਦਾ ਅੱਧਾ ਕਾਰਜ਼ਕਾਲ ਪੂਰਾ ਹੋ ਚੁੱਕਾ ਹੈ ਪ੍ਰਤੁੰ ਇਸ ਇਲਾਕੇ ਦੀ ਕੋਈ ਸਾਰ ਨਹੀ ਲਈ ਜਾ ਰਹੀ।ਹਰ ਰੋਜ਼ ਬੱਚਿਆਂ ਨੂੰ ਸਕੂਲ ਜਾਣਾ ਅਤੇ ਆਮ ਲੋਕਾਂ ਨੂੰ ਮਾਰਕੀਟ ਜਾਣ ਦੀ ਭਾਰੀ ਸਮੱਸਿਆਂ ਬਣੀ ਹੋਈ ਹੈ।ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਅਜ਼ਾਦੀ ਦੇ 75 ਸਾਲਾ ਬਾਅਦ ਵੀ ਲੋਕ ਗਲੀਆਂ,ਨਾਲੀਆਂ ਅਤੇ ਸੜਕਾਂ ਵਾਸਤੇ ਤਰਸ਼ ਰਹੇ ਹਨ।ਬਰਸਾਂਤ ਦੇ ਸਮੇਂ ਚਿੱਕੜ ਹੋਣ ਕਾਰਨ ਐਕਸੀਡੇਟਾਂ ਹੋ ਰਹੇ।ਲੋਕਾਂ ਦੇ ਵਾਹਨ ਸੜਕਾਂ ਵਿੱਚ ਧੱਸ ਰਹੇ ਹਨ।ਸਰਕਾਰ ਲੋਕਾਂ ਦੇ ਮਸਲਿਆਂ ਵੱਲ ਧਿਆਨ ਨਹੀ ਦੇ ਰਹੀ।ਪ੍ਰਸ਼ਾਸਨ ਮੂਕ ਦਰਸ਼ਕ ਬਣ ਕੇ ਲੋਕਾਂ ਨੂੰ ਦੇਖ ਰਿਹਾ ਹੈ।ਉਨਾਂ ਮੰਗ ਕੀਤੀ ਕਿ ਪਟਿਆਲਾ ਦਿਹਾਤੀ ਦੀਆਂ ਸੜਕਾਂ ਵੱਲ ਧਿਆਨ ਦਿੱਤਾ ਜਾਵੇ।