ਦਿੱਲੀ, 27 ਅਕਤੂਬਰ 2025 : ਚੰਗੇ ਭਵਿਖ ਦੀ ਤਲਾਸ਼ ਵਿਚ ਤਾਜਿਕਿਸਤਾਨ ਵਿਚ ਗਏ ਕੁੱਝ ਪੰਜਾਬੀ ਨੌਜਵਾਨ ਉੱਥੇ ਫਸ ਗਏ ਸਨ, ਜਿਨਾ ਨੂੰ ਅੱਜ ਸੁਰਖਿਅਤ ਤਰੀਕੇ ਨਾਲ ਵਤਨ ਵਾਪਸੀ ਕਰਵਾਈ ਗਈ ਹੈ। ਜਿਕਰਯੋਗ ਹੈ ਕਿ ਰੂਪਨਗਰ ਦੇ ਸੱਤ ਨੌਜਵਾਨ, ਜੋ ਪਿਛਲੇ ਕੁਝ ਮਹੀਨਿਆਂ ਤੋਂ ਤਾਜਿਕਿਸਤਾਨ ‘ਚ ਫਸੇ ਹੋਏ ਸਨ, ਆਖ਼ਿਰਕਾਰ ਸੁਰੱਖਿਅਤ ਤਰੀਕੇ ਨਾਲ ਅੱਜ ਦਿੱਲੀ ਹਵਾਈ ਅੱਡੇ ‘ਤੇ ਵਾਪਸ ਪਹੁੰਚ ਗਏ ਹਨ।
ਆਪਣੇ ਦੇਸ਼ ਵਾਪਸ ਆਏ ਨੌਜਵਾਨਾਂ ਨੇ ਦੱਸਿਆ ਕਿ ਉਹ ਡਰਾਈਵਰ ਦੇ ਤੌਰ ‘ਤੇ ਵਿਦੇਸ਼ ਗਏ ਸਨ, ਪਰ ਉੱਥੇ ਪਹੁੰਚਣ ਮਗਰੋਂ ਜ਼ਬਰਦਸਤੀ ਮਕੈਨਿਕ ਦਾ ਕੰਮ ਕਰਵਾਇਆ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਸਥਿਤੀ ਬਹੁਤ ਖਰਾਬ ਸੀ — ਨਾ ਖਾਣ ਦੀ ਢੰਗ ਦੀ ਸਹੂਲਤ ਸੀ, ਨਾ ਹੀ ਆਜ਼ਾਦੀ।
ਉਨਾਂ ਦਾ ਕਹਿਣਾ ਸੀ, “ਜਦੋਂ ਅਸੀਂ ਮਦਦ ਮੰਗਣ ਦੀ ਕੋਸ਼ਿਸ਼ ਕੀਤੀ, ਤਾਂ ਸਾਨੂੰ ਧਮਕੀ ਦਿੱਤੀ ਗਈ ਕਿ ਕੋਈ ਵੀ ਵੀਡੀਓ ਜਾਂ ਤਸਵੀਰ ਬਾਹਰ ਨਾ ਪਹੁੰਚੇ। ਪਰ ਹਿੰਮਤ ਕਰਕੇ ਜਦੋਂ ਅਸੀਂ ਇੱਕ ਵੀਡੀਓ ਜਾਰੀ ਕੀਤੀ, ਜੋਕਿ ਬਹੁਤ ਲੋਕਾਂਤੱਕ ਗਈ। ਉਸਤੋ ਬਾਅਦ ਸਾਡੀ ਮਦਦ ਕੀਤੀ ਗਈ, ਜਿਸ ਲਈ ਅਸੀ ਸਰਕਾਰ ਅਤੇ ਸੰਸਦ ਮੈਂਬਰ ਵਿਕਰਮਜੀਤ ਸਾਹਨੀ ਅਤੇ ਅਜੈਪਾਲ ਲਾਲਪੁਰਾ ਦਾ ਧੰਨਵਾਦ ਕਰਦੇ ਹਾਂ।